30 Jan,2024

မံစီ ဇန်နဝါရီ ၃၀

ကချင်ပြည်နယ်၊ မံစီမြို့နယ် နိုင်ငံ့စီးပွားမြှင့်တင်ရေးရန်ပုံငွေမှ မတည်ထောက်ပံ့ငွေဖြင့် ဆောင်ရွက်သည့် မန်ဝိန်းလေးကျေးရွာ၊ ဝိန်းရတနာစိုက်ပျိုးရေးနှင့် အထွေထွေလုပ်ငန်းသမဝါယမ အသင်းရှိ အသင်းသားတောင်သူများ၏ ဆောင်းသီးနှံသီးထပ်အဖြစ် မြေပဲစိုက်ပျိုးထားရှိမှုအခြေအနေ အား မြို့နယ်သမဝါယမဦးစီးအရာရှိနှင့်တာဝန်ရှိသူများ ကွင်းဆင်းကြည့်ရှုစစ်ဆေးခဲ့သည်။

အဆိုပါ အသင်းရှိ အသင်းသား ၄၈ ဦးပိုင် လယ်ဧက ၁၂၀ တွင် မိုးစပါးများ ရိတ်သိမ်းပြီးနောက် ဆောင်သီးနှံသီးထပ်အဖြစ် မြေပဲ စိုက်ဧက ၁၂၀ စိုက်ပျိုးထားပြီးဖြစ်ရာ ယခုနှစ်မတ်လကုန်တွင် ရိတ်သိမ်းနိုင်မည်ဖြစ်ကြောင်း သိရသည်။