17 Jan,2024

လေးမျက်နှာ ဇန်နဝါရီ ၁၆

            ဧရာဝတီတိုင်းဒေသကြီး လေးမျက်နှာမြို့နယ် စောပြာ- လှော်ကထားလမ်း ကတ္တရာခင်းနေမှုလုပ်ငန်းကို ဇန်နဝါရီ ၁၄ ရက်တွင် လက်ထောက်ညွှန်ကြားရေးမှူး(မြို့ပြ) ဦးကိုကိုသိန်းဇော်လင်းက ကွင်းဆင်းကြည့်ရှုခဲ့သည်။

           အဆိုပါ လမ်းလုပ်ငန်းကို ပြည်ထောင်စုငွေလုံးငွေရင်း ရန်ပုံငွေကျပ် ၁၀ဝ ဒသမ ၈၃၂ သန်းအကုန်အကျခံ၍ အကောင်အထည်ဖော်ဆောင်ရွက်နေရာ ၇ဝ ရာခိုင်နှုန်းခန့် ပြီးစီးပြီဖြစ်ကြောင်း၊ ဖေဖော်ဝါရီလအတွင်း ရာနှုန်းပြည့် ပြီးစီးအောင်ဆောင်ရွက်နေကြောင်းနှင့် လမ်းလုပ်ငန်းပြီးစီးသွားပါက ကျေးရွာခြောက်ရွာ၊ အိမ်ခြေ ၇၇၂ အိမ်၊ လူဦးရေ ၃၁၁၆ ဦးအား အကျိုးပြုနိုင်မည် ဖြစ်ကြောင်း သိရသည်။

တင်ရွှေ(ပြန်/ဆက်)