15 Jan,2024

တောင်ကြီး ဇန်နဝါရီ ၁၅

          ရှမ်းပြည်နယ်သမဝါယမလုပ်ငန်းများ ဖွံ့ဖြိုးတိုးတက်ရေးအတွက် ပြည်နယ်ဦးစီးမှူး၊ ညွှန်ကြားရေးမှူး ဦးကျော်မိုးတင့်က ပအိုဝ့်ကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ်ရှိ သမဝါယမ ဦးစီးဌာနဝန်ထမ်းများနှင့် မြို့နယ်သမဝါယမအသင်းစု အမှုဆောင်များအား ကွင်းဆင်းတွေ့ဆုံခြင်း ကို ဆီဆိုင်မြို့နယ်သမဝါယမဦးစီးဌာနရုံးခန်းမ၌ ပြုလုပ်ပြီး သမဝါယမအသင်းဥပဒေ၊ နည်းဥပဒေ၊ လုပ်ထုံး/လုပ်နည်း၊ ညွှန်ကြားချက်များလိုက်နာဆောင်ရွက်ရန်နှင့် မိုးစပါး၊ နွေစပါး များစိုက်ပျိုးမှုများ အား လျာထားချက်ပြည့်မီအောင် ဆောင်ရွက်နိုင်ရေးအတွက် မှာကြားခဲ့သည်။

          ဆက်လက်၍ ဆီဆိုင်မြို့နယ်သမဝါယမအသင်းစုပိုင်ခြံနှင့် ဘန်းယဉ်ကျေးရွာရှိ လွယ်မော တောင်လယ်ယာနှင့်အထွေထွေစီးပွားရေးသမဝါယမအသင်း နှင့် နောင်မွန်ကျေးရွာရှိ ရွှေပဒေသာ လယ်ယာနှင့်အထွေထွေစီးပွားရေးသမဝါယမအသင်းတို့မှ ပိုင်ဆောင်သော အသင်းပိုင် အဆောက်အဦ များကို အသင်းဆိုင်ဖွင့်လှစ်နိုင်ရေး အသင်းအမှုဆောင်များအား မှာကြားခဲ့ကြောင်း သိရသည်။