တောင်ကြီး ဇန်နဝါရီ ၈
ရှမ်းပြည်နယ်၊ တောင်ကြီးမြို့ရှိ သမဝါယမစာရင်းရေး၊ စာရင်းကိုင် သက်မွေးပညာ သင်တန်းကျောင်း(တောင်ကြီး)မှ ဒုတိယနှစ် သင်တန်းသား/ သင်တန်းသူ (၅၁)ဦးတို့သည် စာရင်းရေး၊ စာရင်းကိုင်သင်ခန်းစာများကို လက်တွေ့ကွင်းဆင်းဆောင်ရွက်သည့်အနေဖြင့် တောင်ကြီးခရိုင်ဂျီအီးစီဝန်ထမ်းပေါင်းစုံသမဝါယမအသင်း၊ အောင်မြတ်အထွေထွေစီးပွားရေး လုပ်ငန်းသမဝါယမအသင်းလီမိတက်၊ ရွှေမြို့မအထွေထွေစီးပွားရေးလုပ်ငန်းသမဝါယမအသင်း လီမိတက်၊ တောင်ကြီးမြို့နယ်သမဝါယမအသင်းစုနှင့် ချမ်းသာရောင်းဝယ်ရေးသမဝါယမအသင်း လီမိတက်များသို့ အဖွဲ့(၅)ဖွဲ့ခွဲ၍ ကထိကနှင့် ဆရာ/ဆရာမများ ဦးဆောင်ပြီး သမဝါယမအသင်း စာရင်းများအား လက်တွေ့စစ်ဆေးကြည့်ရှုခြင်း၊ လေ့လာမှတ်သားခြင်းများကို ကွင်းဆင်း ဆောင်ရွက်ခဲ့ရာ တောင်ကြီးမြို့နယ်သမဝါယမအသင်းစုဥက္ကဋ္ဌ ဦးမောင်မောင်သန်းနှင့် တာဝန်ရှိ သူများက သမဝါယမအသင်းများ၏ စာရင်းဇယားများ၊ ရည်မှန်းချက်များ၊ ဆောင်ရွက်နေသည့် လုပ်ငန်းများကို ရှင်းလင်းပြောကြားခဲ့ကြောင်း သိရှိရသည်။
စိုင်းသန်းကျော်
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။