ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

ကျေးရွာခုနစ်ရွာ အကျိုးပြုမည့် ပဆင - မဲဇလီရွာဝင် ကျောက်ချောခင်းခြင်းလုပ်ငန်းနှင့် ကျေးရွာ ၃၀ အကျိုးပြုမည့် ပဆင - ကြခတ်ကုန်း - ကျောင်းစု - ကလလမ်း ကွန်ကရစ်ခင်းခြင်းလုပ်ငန်း ဆောင်ရွက်နေမှုများ ကွင်းဆင်းစစ်ဆေး


28 Dec,2023

ဝါးခယ်မ ဒီဇင်ဘာ ၂၇

            ဧရာဝတီတိုင်းဒေသကြီး ဝါးခယ်မမြို့နယ်တွင် ၂၀၂၃ - ၂၀၂၄ ဘဏ္ဍာနှစ် ကျေးလက်လမ်းဖွံ့ဖြိုးရေးဦးစီးဌာန၏ ပြည်ထောင်စု/ တိုင်းဒေသကြီး (ငွေလုံးငွေရင်း) ရန်ပုံငွေဖြင့် ထက်ဝေသစ်ကုမ္ပဏီက တာဝန်ယူဆောင်ရွက်နေသော ပဆင မှ မဲဇလီရွာဝင်(၀/၅ မိုင် x ၁၄' x ၁၄") ကျောက်ချောခင်းခြင်းလုပ်ငန်းနှင့် Tun Tun Aye ကုမ္ပဏီက တာဝန်ယူဆောင်ရွက်နေသော ပဆငမှ ကြခတ်ကုန်း- ကျောင်းစု - ကလလမ်း (ဝ/၂.၆ မိုင်×၁၂"x၇") ကွန်ကရစ်ခင်းခြင်းလုပ်ငန်းများကို ကျေးလက်လမ်းဖွံ့ဖြိုးရေးဦးစီးဌာန စစ်ဆေးရေးအရာရှိချုပ် ဦးရဲခေါင်ထွန်းက ဒီဇင်ဘာ ၂၂ ရက်တွင် လုပ်ငန်းဆောင်ရွက်ပြီးစီးမှု အခြေအနေများကို ကွင်းဆင်းကြည့်ရှုစစ်ဆေးသည်။

            အဆိုပါ ကျေးရွာချင်းဆက် ပဆငမှ မဲဇလီရွာဝင် ကျောက်ချောခင်းခြင်းလုပ်ငန်း ဆောင်ရွက်ပြီးစီးပါက မဲဇလီကျေးရွာ၊ အူကျွန်းကျေးရွာ၊ ရေလိန်ကျေးရွာအပါအဝင် ကျေးရွာ ခုနစ်ရွာရှိ အိမ်ခြေ ၃၅၀ မှ လူဦးရေ ၁၂၂၅ ဦးကို လည်းကောင်း၊ ပဆငမှ ကြခတ်ကုန်း - ကျောင်းစု - ကလလမ်း ကွန်ကရစ်ခင်းခြင်းလုပ်ငန်း ဆောင်ရွက်ပြီးစီးပါက ကြခတ်ကုန်းကျေးရွာ၊ ကျောင်းစုကျေးရွာ၊ ကလကျေးရွာ၊ ကြဖြူကျေးရွာ အပါအဝင် ကျေးရွာ ၃၀ ရှိ အိမ်ခြေ ၁၅၀၀ မှ လူဦးရေ ၅၂၅၀ ကိုလည်းကောင်း ကျန်းမာရေး၊ ပညာရေး၊ စီးပွားရေးဆိုင်ရာလုပ်ငန်းများစွာကို အကျိုးပြုနိုင်မည်ဖြစ်ကြောင်း သိရသည်။

လွှမ်းသီဟ (ဝါးခယ်မ)


ဆက်စပ်လင့်ခ်များ

အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။

  • တယ်လီဖုန်း

    ၀၆၇ - ၄၁၀၀၃၃
  • ဖက်စ်

    ၀၆၇ - ၄၁၀၀၃၆
  • Email

    contact@mcrd.gov.mm