ထိုသို့ ကွင်းဆင်းစစ်ဆေးရာတွင် မော်လိုက်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်အေးပပထွန်း၊ မြို့နယ်တာဝန်ခံအင်ဂျင်နီယာနှင့် ဝန်ထမ်းများက ညောင်ဝန်းကျေးရွာ၌ VDP စီမံကိန်းရန်ပုံငွေဖြင့် ကွန်ကရစ်လမ်းခင်းခြင်းလုပ်ငန်း‌ေဆာင်ရွက်‌ေနမှု အခြေအနေများကို ကြည့်ရှုစစ်ဆေးခဲ့ကြပြီး ကျေးရွာကော်မတီဝင်များနှင့်တွေ့ဆုံကာ လုပ်ငန်းများသတ်မှတ်ကာလအတွင်း အရည်အသွေးပြည့်မီစွာဆောင်ရွက်ကြရန်နှင့် ဆောင်ရွက်ပြီးစီးပါကလည်း ရေရှည်တည်တံ့အောင် ထိန်းသိမ်းစောင့်ရှောက်ကြရန် ဆွေးနွေးမှာကြားပြီး လိုအပ်များ ပေါင်းစပ်ညှိနှိုင်းပေးသည်။

အဆိုပါ ညောင်ဝန်းကျေးရွာ၌ ၂၀၂၃-၂၀၂၄ခု ဘဏ္ဍာ‌ေရးနှစ် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP) ရန်ပုံငွေကျပ် ၁၅ သန်း၊ ပြည်သူလူထုထည့်ဝင်‌ေငွ ကျပ် ၂ ဒသမ ၇၆သန်းတို့ဖြင့် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဝန်ထမ်းများမှ နည်းပညာပံ့ပိုးကာ လမ်းအရှည်ပေ ၃၈ဝ၊ အကျယ် ၁၂ ပေ၊အမြင့် ခြောက်လက်မရှိ ကွန်ကရစ်
လမ်းခင်းခြင်းလုပ်ငန်းကို ဒီဇင်ဘာလ တတိယပတ်မှစတင်၍ ကျေးရွာသူ၊ ကျေးရွာသားများကိုယ်တိုင်ဆောင်ရွက်ခဲ့ရာ ယခုအခါ လုပ်ငန်းများ ၄၀ ရာခိုင်နှုန်းပြီးစီးနေပြီဖြစ်ကြောင်း မော်လိုက်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်အေးပပထွန်းထံက သိရသည်။