ဖြိုးတိုးတက်ရေးဦးစီးဌာနမှ ကျေးလက်နေပြည်သူများ ရာသီမရွေးကျေးလက်ထုတ်ကုန်များ ကုန်စည်စီးဆင်းနိုင်ရန်အတွက် ကျေးလက်ကုန်ထုတ်လမ်း၊ တံတားတည်ဆောက်ခြင်းလုပ်ငန်းများ ဆောင်ရွက်ပေးလျက်ရှိရာ  ၂၀၂၃-၂၀၂၄ခု ဘဏ္ဍာရေးနှစ် တိုင်းဒေသကြီးအစိုးရခွင့်ပြုဘဏ္ဍာရန်ပုံငွေဖြင့် အောင်တပ်ကျေးရွာတွင် ကုန်ထုတ်လမ်းနှင့် ဆက်စပ်လုပ်ငန်းများဆောင်ရွက်နေမှုအား ဒီဇင်ဘာလ ၂၄ ရက်နေ့ နေ့လယ်ပိုင်းက မြို့နယ်တာဝန်ရှိသူများ ကွင်းဆင်းစစ်ဆေးခဲ့သည်။

ထိုသို့ကွင်းဆင်းစစ်ဆေးရာတွင် ပုသိမ်ခရိုင်‌ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဦးဌေးနိုင်၊  မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှုး ဒေါ်တင်တင်နွယ်၊ တာဝန်ခံအင်ဂျင်နီယာတို့နှင့်အတူ အောင်တပ်ကျေးရွာတွင် ကုန်ထုတ်လမ်းဖောက်လုပ်ခြင်းနှင့် အခြားဆက်စပ်လုပ်ငန်းများ ဆောင်ရွက်နေမှုအား ကြည့်ရှုစစ်ဆေးပြီး တာဝန်ရှိသူများက ကုမ္ပဏီတာဝန်ခံ၊ ကျေးရွာကော်မတီဝင်များနှင့်တွေ့ဆုံကာ  သတ်မှတ်ကာလအတွင်း စံချိန်စံညွှန်းပြည့်မီစွာဆောင်ရွက်ရန်နှင့်  လုပ်ငန်းခွင်အန္တရာယ်ကင်းရှင်းရေး အလေးထားဆောင်ရွက်ကြရန် ဆွေးနွေးမှာကြားသည်။

အောင်တပ်ကျေးရွာတွင် တိုင်းဒေသကြီးခွင့်ပြုရန်ပုံငွေ ကျပ် ၁၃၅ ဒသမ ၉၃၆ သန်းဖြင့် စံပြလယ်ယာကုန်ထုတ်လမ်း အလျား ၀/၆ ဒသမ ၉၄ မိုင်၊ အနံ ၁၅ပေ၊ ထု ၂ပေရှိ မြေသားခင်းခြင်းလုပ်ငန်း၊ အဆိုပါလမ်းပေါ်တွင် အနံ ၁၂ပေ၊ ထု  ၉လက်မရှိ ဂဝံခင်းခြင်းလုပ်ငန်းနှင့် အရှည် ၅ပေ၊ အကျယ် ၁၅ပေနှင့် အမြင့် ၅ပေရှိ Box Culvert သုံးစင်း တည်ဆောက်ခြင်းလုပ်ငန်းများအား တင်ဒါအောင် Nine Elephant Group ကုမ္ပဏီမှ မေလ စတုတ္ထပတ်ကစတင်ဆောင်ရွက်ခဲ့ဖြစ်ကြောင်း သာပေါင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှုး ဒေါ်တင်တင်နွယ်ထံက သိရသည်။