23 Dec,2023
ဟုမ္မလင်း ဒီဇင်ဘာ ၂၃
စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်ကျေးလက်ဒေသဖွံ့
ဖြိုးတိုးတက်ရေးဦးစီးဌာနက ၂၀၂၃-၂၀၂၄ ခု ဘဏ္ဍာရေးနှစ် တိုင်းဒေသကြီးအစိုးရခွင့်ပြုရန်ပုံငွေဖြင့် ဆာမိကျေးရွာ၌ သောက်သုံးရေရရှိရေးလုပ်ငန်းများ ဆောင်ရွက်ေနမှုအခြေအနေများအား ဒီဇင်ဘာလ ၂၂ ရက်နေ့ နံနက် ၁၀နာရီက ခရိုင်ကျေးလက်ဦးစီးဌာနတာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် ဟုမ္မလင်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်တင်ယုမေနှင့်တာဝန်ရှိသူများက ဆာမိကျေးရွာတွင် ရေပိုက်လိုင်းသွယ်တန်းခြင်းလုပ်ငန်း၊ ရေတားတမံတည်ဆောက်ခြင်းလုပ်ငန်းနှင့် ရေစုကန်တည်ဆောက်ခြင်းလုပ်ငန်းများ ဆောင်ရွက်မည့် မြေပြင်အခြေအနေနှင့် ရေထွက်ပင်ရင်းရရယူမည့် အခြေအနေများကို ကြည့်ရှုစစ်ဆေးပြီး တာဝန်ရှိသူများနှင့်တွေ့ဆုံကာ လုပ်ငန်းများသတ်မှတ်ကာလအတွင်း အရည်အသွေးပြည့်မီစွာဆောင်ရွက်ကြရန်နှင့် ဆောင်ရွက်ပြီးစီးပါကလည်း ရေရှည်တည်တံ့အောင် ထိန်းသိမ်းစောင့်ရှောက်ကြရန် ဆွေးနွေးမှာကြားပြီး လိုအပ်များ ပေါင်းစပ်ညှိနှိုင်းပေးသည်။
အဆိုပါ ဆာမိကျေးရွာ၌ ၂၀၂၃-၂၀၂၄ခု ဘဏ္ဍာရေးနှစ် တိုင်းဒေသကြီးအစိုးရရန်ပုံငွေ ကျပ် ၃၉ ဒသမ ၈၇ သန်းဖြင့် အကျယ် ၂ လက်မ (PVC) အရှည်ပေ ၈၀၀၀ရှိ စိမ့်စမ်းရေသွယ်တန်းခြင်းလုပ်ငန်း၊ အလျား ၂၅ပေ၊ အနံ ၃ပ၊ အမြင့် ၅ပေရှိ ရေတားတမံတည်ဆောက်ခြင်းလုပ်ငန်းနှင့် ဂါလံ ၅၀၀၀ဆံ့ အုတ်ရေစုကန်တည်ေဆာက်ခြင်းလုပ်ငန်းများကို ဟုမ္မလင်းခရိုင်ကျေးလက်ဦးစီးဌာနက ဇွန်လ ဒုတိယပတ်ကစတင်ဆောင်ရွက်ခဲ့ပြီး ယခုအခါ လုပ်ငန်းများ ၂၅ ရာခိုင်နှုန်းပြီးစီးနေပြီဖြစ်ကြောင်း ဟုမ္မလင်းခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်တင်ယုမေက ပြောပြ၍ သိရသည်။