18 Dec,2023

ပုသိမ်ကြီး ဒီဇင်ဘာ ၁၈

မန္တလေးတိုင်းဒေသကြီး၊ အောင်မြေသာစံခရိုင်၊ ပုသိမ်ကြီးမြို့နယ်၊ သမဝါယမဦးစီးဌာနနှင့် မြို့နယ်သမဝါယမအသင်းစုတို့မှ တာဝန်ရှိသူများသည် မြို့နယ်တွင်း သမဝါယမအသင်းစုငွေများဖြင့် သွင်းအားစုပံ့ပိုးပေးထားသော စိုက်ပျိုးထားသည့်မိုးစပါးများ ရိတ်သိမ်းမှုအခြေအနေများကို ယနေ့နံနက် ၁၀ နာရီက ရွာသစ်ကျေးရွာသို့ သွားရောက်၍ ကွင်းဆင်းကြည့်ရှုကြသည်။

အဆိုပါကျေးရွာရှိ ရွာသစ်လယ်ယာနှင့်အထွေထွေသမဝါယမအသင်းမှအသင်းဥက္ကဋ္ဌ ဦးသန်းဆောင် ၏ မိုးစပါး ၅ ဧက ရိတ်သိမ်းမှုအခြေအနေများကို မြို့နယ်သမဝါယမဦးစီးဌာန ဦးစီးအရာရှိ ဒေါ်တင်မိုးနွယ် နှင့်ဝန်ထမ်းများ၊ မြို့နယ်သမဝါယမအသင်းစုဥက္ကဋ္ဌ ဦးသိန်းလွင်ဦးနှင့် တာဝန်ရှိသူများက ကွင်းဆင်း ကြည့်ရှုခဲ့ကြောင်း သိရသည်။

မြို့နယ်(ပြန်/ဆက်)

မန္တလေးတိုင်းဒေသကြီး