05 Dec,2023

 သမဝါယနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်‌ဒေသဖွံ့ဖြိုးတိုးတက်ရေး ဦးစီး ဌာနသည် ကျေးလက်ဒေသများတွင် ကျွမ်းကျင်လုပ်သားလိုအပ်ချက်ကို အထောက်အကူပြု ဖြည့်ဆည်းနိုင်စေရန် အသက်မွေးဝမ်းကျောင်း သင်တန်းများ၊ စွမ်းဆောင်ရည်မြှင့်တင်ရေး သင်တန်းများကို ဖွင့်လှစ်ဆောင်ရွက်ပေးလျက်ရှိပါသည်။

           ထိုသို့ဖွင့်လှစ်ဆောင်ရွက်ပေးလျက်ရှိရာ ပဲခူးတိုင်းဒေသကြီး ‌ညောင်လေးပင်ခရိုင်၊ ညောင်လေးပင်မြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာနမှ ကျေးလက်နေပြည်သူများ အလုပ်အကိုင်အခွင့်အလမ်းရရှိစေရန် ပန်းရံ၊ ပန်းတော့ သင်တန်းဖွင့်ပွဲကို (၁.၁၂.၂၀၂၃)ရက်နေ့ နေ့လည်(၂:၀၀)က ချောင်းရင်းကျေးရွာအုပ်စု၊ ဆင်ကူးကျေးရွာ၌ ကျင်းပပြုလုပ်ခဲ့သည်။

           ရှေးဦးစွာ ညောင်လေးပင်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ ခရိုင်ဦးစီးမှူး ဦးအောင်ကြီး မှ အဖွင့်မှာစကားပြောကြားပြီး မြို့နယ်ဦးစီးမှူး ဦးသန့်ဇင်အောင်မှ သင်တန်း ဖွင့်လှစ်ရခြင်း၏ရည်ရွယ်ချက်များကို ရှင်းလင်းပြောကြားခဲ့သည်။ မြို့နယ်ဦးစီးမှူးမှ သင်တန်းသားများအနေဖြင့် သင်တန်းမှ ပို့ချမည့် ဘာသာရပ်ဆိုင်ရာများကို စနစ်တကျလေ့လာသင်ယူစေလိုကြောင်း မှာကြားခဲ့ပါသည်။ ထို့နောက် သင်တန်းနည်းပြဆရာမှ သင်တန်းတွင်ပို့ချရမည့် ပန်းရံ+ပန်းတော့ပြုလုပ်နည်းအမျိုးမျိုး တို့ကို ရှင်းလင်းတင်ပြသည်။

          အဆိုပါ သင်တန်းဖွင့်ပွဲအခမ်းအနားသို့ ညောင်လေးပင်မြို့နယ် ချောင်းကျိုးကျေးရွာအုပ်စု၊ ဆင်ကူးကျေးရွာ၊သဲကျောကျေးရွာ၊ကဒါးကျေးရွာမှ သင်တန်းသား(၂၀)ဦး တက်ရောက်ပြီး သင်တန်း တွင် ကျွမ်းကျင်သင်တန်းဆရာ(၁)ဦးမှ ပန်းရံ+ပန်းတော့ ပြုလုပ်နည်း အမျိုးမျိုးတို့ကို(၁.၁၂.၂၀၂၃) ရက်မှ(၂၀.၁၂.၂၀၂၃)ရက်နေ့အထိ စာတွေ့၊လက်တွေ့ သင်ကြားပို့ချပေးသွားမည်ဖြစ်ကြောင်း သိရှိရပါသည်။