06 Dec,2023

ကျိုင်းတုံ ဒီဇင်ဘာ ၆

          ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ် ယန်လောင်းစံပြကျေးရွာအုပ်စု လွယ်လုံစိုက်ပျိုးရေး နှင့်အထွေထွေစီးပွားရေးလုပ်ငန်းသမဝါယမအသင်းသားပိုင် လယ်ဧက ၆၀ တွင် နွေစပါးစိုက်ပျိုးနိုင်ရေး အတွက် နွေစပါးမှော်ဘီ-၃ စပါးမျိုး ပျိုးထောင်ထားရှိမှုနှင့် စိုက်ပျိုးရန် လယ်မြေများပြုပြင်ထားရှိမှု အခြေအနေများကို ဒီဇင်ဘာ (၄) ရက်နေ့က ပြည်နယ်သမဝါယမဦးစီးဌာန ပြည်နယ်ဦးစီးမှူး ဦးကျော်မိုးတင့်နှင့်တာဝန်ရှိသူများက ကွင်းဆင်းကြည့်ရှုခဲ့သည်။

အဆိုပါအသင်းတွင် အသင်းသား ၂၀ ဦးရှိပြီး လယ်မြေဧက ၆၀ အတွက် မြို့နယ်သမဝါယမ အသင်းစုမှ အသင်းအချင်းချင်းချိတ်ဆက်၍ တစ်ဧကလျှင် ငွေကျပ်နှစ်သိန်းနှုန်းနှင့်ညီမျှသော စိုက်ပျိုး ရေးသွင်းအားစုများ ထောက်ပံ့ပေးထားကြောင်း သိရသည်။