05 Dec,2023

မြစ်ကြီးနား ဒီဇင်ဘာ ၅

          ကချင်ပြည်နယ်၊ မြစ်ကြီးနားမြို့နယ် ရွှေအိုက်ရပ်ကွက်ရှိ ဇွဲမာန်အထွေထွေစီးပွားရေးလုပ်ငန်း သမဝါယမအသင်းသည် နိုင်ငံ့စီးပွားမြှင့်တင်ရေးရန်ပုံငွေမှ မတည်ပံ့ပိုးငွေရယူ၍ မွေးမြူရေးစီမံကိန်း (Pilot Project) အား အကောင်အထည်ဖော် ဆောင်ရွက်လျက်ရှိသည်။

အဆိုပါအသင်းတွင် အသင်းသား ၁၅ ဦးက ဒေသနွားအထီး ငါးကောင်နှင့် အမ ၂၄ ကောင် စုစုပေါင်းနွား ၂၉ ကောင်အား စနစ်တကျ မွေးမြူထားရှိသည်။ နွားစာအဖြစ် တီကူယမ်မြက် ၁ ဒဿမ ၅ ဧကအား စိုက်ပျိုးထားရှိပြီး နွားများကို ကောက်ရိုး၊ ပဲဖတ်၊ မြက်စို၊ တီကူယမ်မြက်နှင့် အစာခြောက် တို့အား ရော၍ တစ်ရက်လျှင် သုံးကြိမ်နှုန်းဖြင့် အစာကျွေးမွေးလျက်ရှိပြီး နွားများ၏ ကျန်းမာရေး ဆောင်ရွက်မှုအနေဖြင့် လိုအပ်သည့် ဆေးဝါးကုသမှုများကို မွေးမြူရေးနှင့်ကုသရေးဦးစီးဌာနတို့နှင့် ပေါင်းစပ်ဆောင်ရွက်လျက်ရှိကြောင်း သိရသည်။