01 Dec,2023

ကြို့ပင်ကောက် ဒီဇင်ဘာ ၁

          ပဲခူးတိုင်းဒေသကြီး၊ ကြို့ပင်ကောက်မြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက် သည့် စိုက်ပျိုးရေးနှင့်အထွေထွေလုပ်ငန်းသမဝါယမအသင်းလီမိတက် ၁၁ သင်း၏ စိုက်ဧက ၆၆၂ တွင် ရတနာတိုးစပါး စိုက်ပျိုးခဲ့ရာ ရိတ်သိမ်းချိန်၌ တစ်ဧကလျှင် စပါးတင်း ၇၀ နှုန်း ထွက်ရှိကြောင်း၊ စိုက်ပျိုးရေးနှင့်အထွေထွေလုပ်ငန်းသမဝါယမအသင်းလီမိတက် ၃ သင်း၏ စိုက်ဧက ၁၃၈ ဧကတွင် လည်း ဆင်းသုခစပါးစိုက်ပျိုးခဲ့ပြီး ရိတ်သိမ်းရာတွင် တစ်ဧကလျှင် စပါးတင်း ၈၀ နှုန်း ထွက်ရှိ ကြောင်းနှင့် အဆိုပါမိုးစပါးရိတ်သိမ်းမှုအခြေအနေများအား မြို့နယ်သမဝါယမဦးစီးဌာန ဦးစီးအရာရှိနှင့် ဝန်ထမ်းများက သွားရောက်ကွင်းဆင်းကြည့်ရှုစစ်ဆေးခဲ့ကြောင်း သိရသည်။