Ministry of Cooperatives and Rural Development

ပြည်ထောင်စုသမ္မတမြန်မာနိုင်ငံတော်အစိုးရ
သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန

တပ်ကုန်းမြို့နယ် ဂွေးပင်စံပြကျေးရွာတွင် ဖက်ရှင်ဒီဇိုင်းသင်တန်းဖွင့်လှစ်ပေးလျက်ရှိ

20 Jun,2022

နေပြည်တော်၊ ဇွန် ၂၀

ပြည်ထောင်စုနယ်မြေနေပြည်တော်၊ တပ်ကုန်းမြို့နယ်၊ ဂွေးပင်စံပြကျေးရွာရှိ အခြေခံစက်ချုပ်တတ်မြောက်ထားရှိပြီးသူများအား ဖက်ရှင်ဒီဇိုင်းသင်တန်းကို နေပြည်တော်အသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သင်ကြားပေးလျက်ရှိပါသည်။

ယခုသင်ကြားပေးနေသော ဖက်ရှင်ဒီဇိုင်းသင်တန်းတွင် စကတ်ချုပ်နည်း(၃လွှာ၊ ၄လွှာ)၊ ပွဲထိုင်အင်္ကျီ(Patten)၊ ပွဲထိုင်ဝတ်စုံ၊ ဂါဝန်ချုပ်နည်း၊ ဇာနှစ်ထပ်ချုပ်နည်း၊ Handmade ချုပ်နည်းနှင့် သတိုးသမီးဝတ်စုံချုပ်နည်းတို့ကို ဇွန်လ ၂၀ ရက်နေ့မှ ဇူလိုင်လ ၄ ရက်နေ့အထိ သင်တန်းသားတစ်ဦးချင်းစီအား ကျွမ်းကျင်သည်အထိ သင်ကြားပေးသွားမည်ဖြစ်ကြောင်း သတင်းရရှိသည်။