20 Nov,2023

ပဲခူး နိုဝင်ဘာ  ၂၀

နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်သည့် ပဲခူးတိုင်းဒေသကြီး၊ ဇီးကုန်းမြို့နယ် လက်ပံပင်ကျေးရွာရှိ လက်ပံပင်စိုက်ပျိုးရေးနှင့်အထွေထွေလုပ်ငန်းသမဝါယမအသင်းမှ အသင်းသား ၈၄ ဦး ၏ စိုက်ဧက ၇၀၁ ဧကနှင့် တောင်ပို့သာယာစိုက်ပျိုးရေးနှင့်အထွေထွေလုပ်ငန်းသမဝါယမအသင်းမှ အသင်းသား ၃၈ ဦး၏ စိုက်ဧက ၂၉၉ ဧကတို့ပေါ်တွင် ဆင်းသုခ၊ ရတနာတိုး၊ GW-7 နှင့် GW-11 မိုးစပါးများကို စိုက်ပျိုးခဲ့ပြီး ရိတ်သိမ်းချိန်၌ တစ်ဧကအထွက်နှုန်း စပါးတင်း ၈၀ နှုန်း ထွက်ရှိခဲ့သည်။

ထို့ပြင် ကဝမြို့နယ် မကျက်ကြီးကျေးရွာရှိ မကျက်ကြီးစိုက်ပျိုးရေးနှင့်အထွေထွေလုပ်ငန်း သမဝါယမအသင်း၏ စိုက်ဧက ၁၅၀ ပေါ်တွင် ဆင်းသုခစပါးမျိုးကို စိုက်ပျိုးခဲ့ပြီး ယခုအခါ စပါးများ စတင်ရိတ်သိမ်းနေပြီဖြစ်ရာ တစ်ဧကလျှင် စပါးတင်း ၆၅ တင်း ထွက်ရှိကြောင်း သိရသည်။