15 Nov,2023

ရန်ကုန်တိုင်းဒေသကြီး၊ ထန်းတပင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၃-၂၀၂၄ ဘဏ္ဍာနှစ်အတွင်း ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်းကို မြို့နယ်အတွင်းရှိ ကျေးရွာ(၆)ရွာတွင် အကောင်အထည်ဖော်ဆောင်ရွက်သွားမည်ဖြစ်ပြီး စီမံကိန်းလုပ်ငန်းများ အကောင်အထည်ဖော်ဆောင်ရွက်သွားနိုင်ရေးအတွက် စီမံကိန်းရန်ပုံငွေများ လွှဲပြောင်းပေးအပ်ပွဲ အခမ်းအနားကို နိုဝင်ဘာ(၁၀)ရက်နေ့တွင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး အစည်းဝေးခန်းမ၌ ကျင်းပခဲ့ပါသည်။

စီမံကိန်းရန်ပုံငွေလွှပြောင်းပေးအပ်ပွဲတွင် ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူးဒေါ်ဆွေဆွေမြင့်နှင့် ဒုတိယမြို့နယ်အုပ်ချုပ်ရေးမှူး ဦးရဲလင်းနိုင်တို့မှ မြို့နယ်ကျေးလက် ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးထွန်းဦးကြည်တို့မှ စီမံကိန်းနှင့် ပတ်သက်သော အကြောင်းအရာများကို ရှင်းလင်းပြောကြားခဲ့ပါသည်။

ထို့နောက် ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနခရိုင်ဦးစီးမှူးနှင့်တာဝန်ရှိသူများမှ ၂၀၂၃-၂၀၂၄ဘဏ္ဍာနှစ်ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်းဆောင်ရွက်မည့် လှည်းဆိပ်ကျေးရွာ၊ ညောင်သုံးပင်ကျေးရွာ၊ အညာစုကျေးရွာ၊ ဓနဲရိကျေးရွာ၊ ဆတ်ကလေးကျေးရွာနှင့် မရွှေဉကျေးရွာ စသည့် ကျေးရွာ(၆)ရွာတို့အား ကျေးရွာတစ်ရွာတွင် နိုင်ငံတော်ထောက်ပံ့ငွေကျပ် သိန်း(၁၅၀)စီဖြင့် စုစုပေါင်းငွေကျပ် သိန်း(၉၀၀)ကို သက်ဆိုင်ရာကျေးရွာများအလိုက် စီမံကိန်းဉက္ကဌများနှင့် ကော်မတီဝင်များထံသို့ လွှဲပြောင်းပေးအပ်ခဲ့ပါသည်။