13 Nov,2023

ကျောက်တန်း နိုဝင်ဘာ ၁၂

ရန်ကုန်တိုင်းဒေသကြီး၊ သန်လျင်ခရိုင်၊ ကျောက်တန်းမြို့နယ်၊ ကျုံကန်ကျေးရွာ၌ ၂၀၂၃-၂၀၂၄ ဘဏ္ဍာရေးနှစ်တွင် ကျောက်တန်းမြို့နယ်သမဝါယမအသင်းစုမှ နိုင်ငံ့စီးပွားမြှင့်တင်ရေးရန်ပုံငွေဖြင့် ရယူဆောင်ရွက်နေသည့် ကျုံကန်ကျေးရွာ ရွှေကံ့ကော်စိုက်ပျိုးထုတ်လုပ်ရေးသမဝါယမအသင်းမှ အသင်းသားဦးစိုးမောင်၏လယ်ဧက (၁၀)ဧကကို (၁၀-၁၁-၂၀၂၃) ရက်နေ့က မိုးစပါးများ စတင် ရိတ်သိမ်းရာ တစ်ဧကလျှင် စပါးတင်း(၈၀)တင်း ထွက်ရှိကြောင်း သိရှိရသည်။

အဆိုပါမိုးစပါးစတင်ရိတ်သိမ်းနေမှုအား ကျောက်တန်းမြို့နယ်သမဝါယမဦးစီးဌာန ဦးစီးအရာရှိ ဒေါ်အေးအေးထွန်းနှင့်ဝန်ထမ်းများ၊ မြို့နယ်သမဝါယမအသင်းစုဥက္ကဋ္ဌ ဦးသန်းစိုးနှင့် အဖွဲ့ဝင်များက သွားရောက်ကြည့်ရှုအားပေးခဲ့ကြောင်း သတင်းရရှိသည်။

သန့်ဇင်ထွန်း

ရန်ကုန်တိုင်းဒေသကြီး