08 Nov,2023

ဗန်းမော် နိုဝင်ဘာ ၈

          ကချင်ပြည်နယ်၊ ဗန်းမော်ခရိုင်၊ ဗန်းမော်မြို့နယ်တွင် ၂၀၂၃-၂၀၂၄ ဘဏ္ဍာရေးနှစ်၌ နိုင်ငံ့စီးပွား မြှင့်တင်ရေးရန်ပုံငွေမှ မတည်ပံ့ပိုးငွေဖြင့် မိုးစပါးစီမံကိန်းဆောင်ရွက်လျက်ရှိသည့် မံရေးကျေးရွာ ရွှေတာပိန်စိုက်ပျိုးထုတ်လုပ်ရေးသမဝါယမအသင်းရှိ သမဝါယမအသင်းသားတောင်သူများ၏ မိုးစပါး စိုက်ပျိုးထားရှိမှုအခြေအနေများကို မြို့နယ်သမဝါယမဦးစီးဌာန ဦးစီးအရာရှိနှင့် တာဝန်ရှိသူများက ကွင်းဆင်းကြည့်ရှုစစ်ဆေးခဲ့ပြီး အသင်းသားတောင်သူများအား စပါးများရိတ်သိမ်းချိန်တွင် လေလွင့်မှု နည်းပါးရေး ဆောင်ရွက်သွားကြရန် ပြောကြားခဲ့သည်။ အဆိုပါအသင်းတွင် အသင်းသားတောင်သူ ၆၅ ဦး၊ စိုက်ဧက ၁၂၀ ရှိပြီး ဆင်းဧကရီ-၃ စပါးမျိုးများ စိုက်ပျိုးထားရှိကြောင်း သိရသည်။