03 Nov,2023

ဝမ်းတွင်း  နိုဝင်ဘာ ၃

မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ် ကျေးလက်ဒေသ ဖွံ့ဖြိုးတိုး တက်ရေး ဦးစီးဌာနက ခံတောကျေးရွာအုပ်စု၊ ခံတောကျေးရွာနှင့်အောင်သာကျေးရွာများ၌ မြစိမ်းရောင် စီမံကိန်းလုပ်ငန်းများ၊ ငွေစာရင်းထိန်းသိမ်းမှုပုံစံများအား ယနေ့နံနက်ပိုင်းက တာဝန် ရှိသူများ ကွင်းဆင်းစစ်ဆေးခဲ့သည်။

ထိုသို့ကွင်းဆင်းစစ်ဆေးရာတွင် ဝမ်းတွင်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီး ဌာန မြို့နယ်ဦးစီးမှူးနှင့် စီမံကိန်းတာဝန်ခံဝန်ထမ်းများက မြစိမ်းရောင်ကျေးရွာစီမံကိန်းဖြင့် ဝမ်းတွင်းမြို့နယ် ခံတောကျေးရွာနှင့်အောင်သာကျေးရွာ၌ တစ်နိုင်တစ်ပိုင် စိုက်ပျိုးရေး၊ မွေးမြူရေး လုပ်ငန်းများနှင့် အခြားစီးပွားရေးလုပ်ငန်းများ ဆောင်ရွက်ထားရှိမှုအခြေအနေများကို လည်းကောင်း၊ ငွေစာရင်းထိန်းသိမ်းနည်းပုံစံများ၊ အမှန်တကယ်လုပ်ငန်းများဆောင်ရွက်မှုရှိမရှိ၊ စာရင်းဇယားများ ဆောင်ရွက်ထားရှိမှုအခြေအနေများကို လည်းကောင်း ကြည့်ရှုစစ်ဆေးခဲ့ပြီး မြို့နယ်ဦးစီးမှူးက လုပ်ငန်းများ ရေရှည်တည်တံ့အောင် ဆောင်ရွက်သွားရန် ဆွေးနွေးမှာကြားခဲ့ပါသည်။