မကွေးတိုင်းဒေသကြီး မင်းတုန်းမြို့နယ် ကြို့ကုန်း - ကံလည်ကျေးရွာချင်းဆက်လမ်းပေါ်ရှိ ကြို့ကုန်းတံတား တည်ဆောက်ရေးစီမံကိန်းသည် ယခုအခါ တံတားတစ်စင်းတည်ဆောက်မှု၏ ၈၀ ရာခိုင်နှုန်းပြီးစီးပြီ ဖြစ်ကြောင်း မင်းတုန်းမြို့နယ်ကျေးလက်လမ်းဖွံ့ဖြိုးရေးဦးစီးဌာနမှ သိရသည်။
အဆိုပါတံတားကို ပြည်ထောင်စုငွေလုံးငွေရင်းရန်ပုံ ငွေကျပ်သန်း ၂၂၃ ဒသမ ၃၈၈ သန်းဖြင့် ကျေးလက်လမ်းဖွံ့ဖြိုးရေးဦးစီးဌာန တံတားတည်ဆောက်ရေးအဖွဲ့က တာဝန်ယူတည်ဆောက်လျက်ရှိပြီး အရှည်ပေ ၁၂ဝ၊ ယာဉ်သွားလမ်းအကျယ် ၁၈ ပေ သံကူကွန်ကရစ်တံတားဖြစ်သည်။
ယင်းတံတားပြီးစီးသွားပါက ကျေးရွာနှစ်ရွာမှ ဒေသခံပြည်သူများ၏ ပညာရေး၊ ကျန်းမာရေး၊ လူမှုရေး ကိစ္စရပ်များအတွက် အမြန်ဆုံးဆက်သွယ်သွားလာနိုင်မည်ဖြစ်သည့်အပြင် ကျေးလက်ဒေသဆင်းရဲမှုလျှော့ချရေးနှင့် ကျေးလက်နှင့်မြို့ပြကွာဟမှုလျှော့ချနိုင်ရေးကို အထောက်အကူပြုနိုင်မည်ဖြစ်ကြောင်း သိရသည်။
ကျော်စိုးလွင်
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။