25 Oct,2023

အမ်း အောက်တိုဘာ ၂၅

        ရခိုင်ပြည်နယ်၊ အမ်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန က ဆီထွက်သီးနှံစိုက်ပျိုးတောင်သူများ လိုအပ်လျက်ရှိသည့် မျိုးစေ့၊သွင်းအားစုနှင့် စိုက်ပျိုးစရိတ်များ ဝယ်ယူသုံးစွဲနိုင်ရန် ရည်ရွယ်၍ ဂါယ်လောင်ူကျေးရွာအုပ်စု၊ ဂါယ်လောင်းကျေးရွာ၌  မြစိမ်းရောင်ကျေးရွာစီမံကိန်း(ဆီထွက်သီးနှံ) ရန်ပုံငွေ ၁၀၃ သိန်းဖြင့် ဆောင်ရွက်ထားသော လုပ်ငန်းများကို အောက်တိုဘာ ၂၄  ရက်နေ့ နံနက်ပိုင်းတွင် တာဝန်ရှိသူများ ကွင်းဆင်းစစ်ဆေးခဲ့ ကြောင်းသိရသည်။
       ထိုသို့ကွင်းဆင်းစစ်ဆေးရာတွင် အမ်းမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဦးနိုင်လင်းထွန်း နှင့် စီမံကိန်းတာဝန်ခံဝန်ထမ်းများက ဂါယ်လောင်း ကျေးရွာ၌ မြစိမ်းရောင်ကျေးရွာစီမံကိန်း(ဆီထွက်သီးနှံ)  ရန်ပုံငွေ ဖြင့် ဆောင်ရွက်ထားသော စိုက်ပျိုးရေးလုပ်ငန်းများနှင့် လအလိုက်ဖြည့်သွင်းရမည့် ငွေစာရင်းပုံစံများ ပြည့်စုံမှု ရှိ/ မရှိ စစ်ဆေးပြီး လိုအပ်သည်များကို  ပေါင်းစပ်ညှိနှိုင်း ဆောင်ရွက် ပေးကြောင်းသိရသည်။

    ဂါယ်လောင်း ကျေးရွာ၌ ၂၀၂၃-၂၀၂၄  ဘဏ္ဍာနှစ်တွင် မြစိမ်းရောင် ကျေးရွာစီမံကိန်း (ဆီထွက်သီးနှံ) ရန်ပုံငွေဖြင့် ဆီထွက်သီးနှံဖြစ်သည့် နှမ်းစိုက်ပျိုးရေးလုပ်ငန်းလုပ်ကိုင်သူ ၁၀  ဦးထံသို့ ၅၀ သိန်း၊  ဆောင်းသီးနှံစိုက်ပျိုးရေး လုပ်ငန်းလုပ်ကိုင်သူ ၁၁ ဦးထံသို့  ၅၃ သိန်း ၊ စုစုပေါင်း ၂၁ ဦးထံသို့ ငွေတစ်ရာကျပ်လျှင် အတိုးနှုန်းပြား ၅၀ ဖြင့် မြစိမ်းရောင်ကျေးရွာစီမံကိန်း (ဆီထွက်သီးနှံ) ရန်ပုံငွေကျပ်  ၁၀၃ သိန်း ထုတ်ချေးထားရှိပြီး စီမံကိန်း လုပ်ငန်းများ လည်ပတ်ဆောင်ရွက်လျက်ရှိကြောင်း အမ်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနိုင်လင်းထွန်း ထံမှ သိရသည်။