19 Oct,2023

မြစ်ကြီးနား၊ အောက်တိုဘာ ၁၉

          ကချင်ပြည်နယ်၊ မြစ်ကြီးနားမြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေမှ မတည်ထောက်ပံ့ ငွေဖြင့် မော်ဖောင်း(၁)ကျေးရွာရှိ  ငါးအိုးစိုက်ပျိုးရေးနှင့်အထွေထွေစီးပွားရေးသမဝါယမအသင်း လီမိတက်တွင် အသင်းသားတောင်သူ ၇၆ ဦး၊ စိုက်ဧကပေါင်း ၁၂၇.၅ ဧကဖြင့် မိုးစပါးများ စိုက်ပျိုးထားရှိသည်။

          မြစ်ကြီးနားမြို့နယ်၊ ပမ္မတီးရပ်ကွက်၊ အနောက်မြောက်ကွင်း၊ ဦးပိုင်အမှတ် ၅၅/၄ အသင်း သားတောင်သူ ဦးချစ်ရွှေပိုင်လယ် ၁၈ ဧကတွင် GW-11 မျိုး ၅ ဧက၊ မှော်ဘီ-၂ မျိုး ၁၃ ဧက စိုက်ပျိုး ထားရှိသည်။ အဆိုပါစပါးများအနက်မှ GW-11 စပါးပင်များမှာ ရက်ပေါင်း ၇၅ ရက်သားရှိနေပြီး နိုဝင်ဘာလလယ်တွင် ရိတ်သိမ်းသွားမည်ဖြစ်ကြောင်းနှင့် တစ်ဧကလျှင် ပျမ်းမျှအထွက်နှုန်းတင်း ၁၀၀ ကျော်ခန့် ထွက်ရှိမည်ဖြစ်ကြောင်း ခန့်မှန်းထားသည်။

          အဆိုပါ အသင်းသားတောင်သူဦးချစ်ရွှေ၏ မိုးစပါးစိုက်ပျိုးထားရှိမှုအခြေအနေကို ပြည်နယ် သမဝါယမဦးစီးဌာန ညွှန်ကြားရေးမှူး ဒေါ်ချောစုလှိုင်က မြို့နယ်သမဝါယမဦးစီးဌာန ဦးစီးအရာရှိ နှင့်ဝန်ထမ်းများအတူ ကွင်းဆင်းကြည့်ရှုစစ်ဆေးခဲ့ပြီး တောင်သူများ၏ လိုအပ်ချက်များကို ပေါင်းစပ် ညှိနှိုင်း ဆောင်ရွက်ပေးခဲ့ကြောင်း သိရသည်။