17 Oct,2023

ကျောက်တန်း အောက်တိုဘာ ၁၇

ရန်ကုန်တိုင်းဒေသကြီး၊ သန်လျင်ခရိုင်၊ ကျောက်တန်းမြို့နယ်၊ သမဝါယမအသင်းစု လီမီတက်၏ (၂၀၂၂-၂၀၂၃) ဘဏ္ဍာရေးနှစ်အရပ်ရပ်ဆိုင်ရာ အစည်းအဝးကို အောက်တိုဘာ ၁၆ ရက်နေ့က ကျောက်တန်းမြို့သမဝါယမအသင်းစုလီမီတက်အစည်းအဝေးခန်းမ၌ ကျင်းပ ခဲ့သည်။

အခမ်းအနားတွင် သဘာပတိအသင်းဥက္ကဋ္ဌ ဦးသန်းစိုးနှင့် ကျောက်တန်းမြို့နယ် သမဝါယမဦးစီးဌာန ဦးစီးအရာရှိ ဒေါ်အေးအေထွန်းတို့က အမှာစကားပြောကြားခဲ့ပြီး အသင်း၏ဒါရိုက်တာအဖွဲ့မှ (၂၀၂၂-၂၀၂၃) ဘဏ္ဍာရေးနှစ်အတွက် လုပ်ငန်းဆောင်ရွက်မှု အစီရင်ခံစာအား ဖတ်ကြားရှင်းလင်းခြင်း၊ အသင်းစာရင်းစစ်အစီရင်ခံစာကို ဖတ်ကြားခြင်း၊ (၂၀၂၂-၂၀၂၃)ဘဏ္ဍာနှစ်၊ နှစ်ချုပ်စာရင်းစစ်ဆေးချက် အစီရင်ခံစာများကို ဖတ်ကြား ရှင်းလင်းခဲ့သည်။

ထို့နောက်၊ ၂၀၂၂-၂၀၂၃ ဘဏ္ဍာရေးနှစ်အတွက် ဒါရိုက်အဖွဲ့၏ လုပ်ငန်းဆိုင်ရာ အစီရင်ခံစာ၊ အသင်းစာရင်းစစ်အစီရင်ခံစာ၊ နှစ်ချုပ်ဘဏ္ဍာရေးရှင်းတမ်းများကို သဘာပတိမှ အတည်ပြုချက်ရယူပြီး အသင်းဝင်ကိုယ်စားလှယ်များ၏ အကြံပြုချက်၊ ဆွေးနွေးချက်များ အပေါ် ပြန်လည်ရှင်းလင်းဆွေးနွေးပြောကြားခဲ့ပြီး (၂၀၂၂-၂၀၂၃) ဘဏ္ဍာနှစ်အတွက် အသင်း ဝင်အခြေခံအသင်း (၇၉)သင်း၏အစုပေါ် အမြတ်​ငွေများကို အသင်းအားလုံး၏ ကိုယ်စား ရွှေကံကော်အသင်းဥက္ကဋ္ဌ ဦးမောင်ထွန်းထံသို့  မြို့နယ်သမဦးစီးအရာရှိ ဒေါ်​အေးအေးထွန်းက ပေးအပ်ခဲ့ကြောင်း သိရသည်။

ကျောက်တန်း (ပြန်/ဆက်)

ရန်ကုန်တိုင်းဒေသကြီး