17 Oct,2023

ဒိုက်ဦး  အောက်တိုဘာ ၁၆

ပဲခူးတိုင်းဒေသကြီး ဒိုက်ဦးမြို့နယ်တွင် ၂၀၂၃-၂၀၂၄ ဘဏ္ဍာရေးနှစ် နိုင်ငံ့စီးပွားမြှင့်တင် ရေးရန်ပုံငွေမှ မိုးစပါးစိုက်တောင်သူများအတွက် တစ်ဧကလျှင် ငွေကျပ်နှစ်သိန်းနှုန်းနှင့်ညီမျှသော သွင်းအားစုများပံ့ပိုးပေးမှုဖြင့် မိုးစပါးများစိုက်ပျိုးခဲ့သည်။

အဆိုပါမြို့နယ်အတွင်းရှိ ဖအောင်ဝဲရပ်ကွက် ဖအောင်ဝဲစိုက်ပျိုးရေးနှင့် အထွေထွေလုပ်ငန်း သမဝါယမအသင်းမှ အသင်းသားတောင်သူ ၈၉ ဦး၊ စိုက်ဧက ၃၂၂ ရှိသည့်အနက်  အသင်းသား ဦးညွန့်လွင်၏ စိုက်ဧက ၁၀ ဧက၊ ဦးဝင်းမြင့်၏ စိုက်ဧက ၄.၅ ဧကတို့မှ ဆင်းသုခစပါးမျိုးများကို ယခုလတွင် စတင်ရိတ်သိမ်းခဲ့ရာ တစ်ဧကလျှင် စပါးအထွက်နှုန်းတင်း ၈၀ ထွက်ရှိကြောင်း သိရသည်။