16 Oct,2023

ပျော်ဘွယ်    အောက်တိုဘာ ၁၆ ရက်

မန္တလေးတိုင်းဒေသကြီး၊ ရမည်းသင်းခရိုင်၊ ပျော်ဘွယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၃-၂၀၂၄ ဘဏ္ဍာရေးနှစ်တွင် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP) ဖြင့် ယင်းတော်ရွာမအုပ်စု၊ ယင်းတော်ရွာမကျေးရွာ ကျေးရွာတွင်းကွန်ကရစ်လမ်းခင်းခြင်းလုပ်ငန်းဆောင်ရွက်နေမှုကို တာဝန်ရှိသူများက ယနေ့နံနက်ပိုင်းက ကွင်းဆင်းစစ်ဆေးခဲ့‌ ကြောင်း သိရသည်။

ထိုသို့ကွင်းဆင်းစစ်ဆေးရာတွင် ပျော်ဘွယ်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးအေးမင်းနိုင် နှင့် တာဝန်ရှိသူများသည် ကျေးရွာဖွံ့ဖြိုးရေးကော်မတီဝင်များနှင့်အတူ ယင်းတော်ရွာမကျေးရွာတွင်း လမ်းအရှည် ( ၈၂၁’- ၆” x ၁၂’ x ၆’ ) ကွန်ကရစ်လမ်းခင်းခြင်းလုပ်ငန်းဆောင်ရွက်နေမှုကို ကြည့်ရှုစစ်ဆေးပြီး မြို့နယ်ဦးစီးမှူးက ကျေးရွာဖွံ့ဖြိုးရေး ကော်မတီဝင်များအား လုပ်ငန်းများအားလုံး ဌာနမှသတ်မှတ်ထားသော စံနှုန်းများအတိုင်း သတ်မှတ်ကာလအတွင်း ပြီးစီးအောင် ဆောင်ရွက်ရန် မှာကြားပြီး လိုအပ်သည်များ ပေါင်းစပ်ညှိနှိုင်းဆောင်ရွက်ခဲ့ကြောင်းသိရသည်။

ထို့နောက် ယင်းတော်ရွာမကျေးရွာ ကွန်ကရစ်လမ်းခြင်းလုပ်ငန်းအား ထောက်ပံ့ငွေ (၁၅.၀) သန်း၊ ပြည်သူထည့်ဝင်ငွေ (၃၀.၀)သန်း၊ စုစုပေါင်း(၁၈၀.၀၀)သန်းဖြင့် ကျေးရွာသူ/ကျေးရွာသားများကိုယ်တိုင်ဆောင်ရွက်ခဲ့ရာ ယခုအချိန်တွင် ၉၂ ရာခိုင်နှုန်းခန့် ပြီးစီးနေပြီး ရာနှုန်းပြည့် ပြီးစီးပါက အဆိုပါကျေးရွာရှိ ကျေးရွာသူ/ကျေးရွာသားများ ရာသီမရွေးသွားလာနိုင်ပြီး လမ်းပန်းဆက်သွယ်ရေးကောင်းမွန်သွားမည် ဖြစ်ကြောင်းသိရသည်။