13 Oct,2023

မိုးညှင်း၊ အောက်တိုဘာ ၁၃

          ကချင်ပြည်နယ်၊ မိုးညှင်းမြို့နယ်အတွင်း နိုင်ငံ့စီးပွားမြှင့်တင်ရေးရန်ပုံငွေမှ မတည်ပံ့ပိုး ငွေရယူ၍    မိုးစပါး စီမံကိန်းဆောင်ရွက်လျက်ရှိသော ကျေးရွာ ၆ ရွာ၊ အသင်း ၆ သင်း၊ အသင်းသား တောင်သူ ၄၅၃ ဦး၊ စိုက်ဧက ၄၂၄၉ ဧကတွင် ဆင်းဧကရီ(၃)စပါးမျိုးနှင့် GW-11 စပါးမျိုး ၄ ဧက ကိုလည်း ၆ တန်း ၁ တန်းလှပ်စနစ်ဖြင့် စမ်းသပ်စိုက်ပျိုးထားလျက်ရှိသည်။

               အဆိုပါမိုးညှင်းမြို့နယ် ပင်းဟဲကျေးရွာရှိ နိုင်ငံ့စီးပွားမြှင့်တင်ရေးရန်ပုံငွေမှ မတည်ပံ့ပိုးငွေ ဖြင့် မိုးစပါးစိုက်ပျိုးဆောင်ရွက်နေသည့် နေကြာစိုက်ပျိုးရေးနှင့်အထွေထွေလုပ်ငန်းသမဝါယမ အသင်းရှိ အသင်းသားတောင်သူ ၇၈ ဦး၏ စိုက်ဧကပေါင်း ၄၈၀ ဧက အနက်မှ အသင်းသား တောင်သူဦးပွဲအောင်၏ မိုးစပါးစိုက်ပျိုးထားရှိမှုအခြေအနေအား မြို့နယ်သမဝါယမဦးစီးအရာရှိနှင့် တာဝန်ရှိသူများက ကွင်းဆင်းကြည့်ရှုစစ်ဆေးခဲ့ပြီး အထွက်နှုန်းကောင်းမွန်ရေးနှင့် လေလွင့် ပျက်စီးမှုနည်းစေရေး ဆောင်ရွက်သွားရန် ပြောကြားခဲ့ကြောင်း သိရသည်။