မော်လမြိုင် အောက်တိုဘာ ၁၁
မွန်ပြည်နယ်၊ မော်လမြိုင်မြို့နယ်သမဝါယမအသင်းစု၏ ၂၀၂၂-၂၀၂၃ ဘဏ္ဍာရေးနှစ် နှစ်ပတ် လည်အရပ်ရပ်ဆိုင်ရာအစည်းအဝေးကို ယမန်နေ့နံနက်ပိုင်းက မြို့နယ်သမဝါယမအသင်းစုရုံး အစည်းအဝေးခန်းမ၌ ကျင်းပသည်။
ရှေးဦးစွာ မော်လမြိုင်မြို့နယ် သမဝါယမအသင်းစုဉက္ကဋ္ဌ သဘာပတိဦးတင်ထွန်းက အဖွင့်အမှာစကားပြောကြားပြီး ပြည်နယ်သမဝါယမဦးစီးဌာနဒုတိယညွှန်ကြားရေးမှူး ဦးသန်းနိုင်နှင့် ပြည်နယ်သမဝါယမအသင်းစုချုပ်ဥက္ကဋ္ဌ ဦးစိုးတင့်တို့က ၂၀၂၂-၂၀၂၃ ဘဏ္ဍာရေးနှစ်အတွင်း ဆောင် ရွက်ခဲ့သော အသင်းစုကိစ္စရပ်များနှင့် သမဝါယမလုပ်ငန်းဆိုင်ရာများကို ဆွေးနွေးတင်ပြခဲ့သည်။
ဆက်လက်၍ မော်လမြိုင်မြို့နယ်သမဝါယမအသင်းစုဒါရိုက်တာအဖွဲ့ဝင်ဦးထွန်ခင်က ၂၀၂၂-၂၀၂၃ ဘဏ္ဍာရေးရှင်းတမ်းများနှင့် အမြတ်ခွဲဝေစာရင်းများကိုဖတ်ကြားခြင်း၊ အဖွဲ့၏လုပ်ငန်း အစီရင်ခံစာနှင့် ရှေ့လုပ်ငန်းစဉ်များ ဖတ်ကြားတင်ပြခဲ့သည်။
အဆိုပါအခမ်းအနားသို့ မြို့နယ်သမဝါယမအခြေခံအသင်း(၅၄)သင်းမှ အမှုဆောင်အဖွဲ့ဝင် များ အသင်းသားများတက်ရောက်ခဲ့ကြပြီး အခြေခံသမဝါယမအသင်းစုမှ အစုငွေများအပေါ်အမြတ် ငွေစုစုပေါင်း(၁၃၄၆၂၃၄)ကျပ်ကို အသင်းတာဝန်ခံများထံ အသီးသီးပေးအပ်ခဲ့ကြောင်း သိရှိရသည်။
ခရိုင်(ပြန်/ဆက်)
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။