09 Oct,2023

ကျိုက်မရော အောက်တိုဘာ ၆

မွန်ပြည်နယ်၊ ကျိုက်မရောမြို့နယ်သမဝါယမအသင်းစု၏ ၂၀၂၂-၂၀၂၃ ဘဏ္ဍာရေး နှစ်  နှစ်ပတ်လည်အရပ်ရပ်ဆိုင်ရာအစည်းအဝေးကို ယနေ့နံနက် ၁၀ နာရီက မြို့နယ်သမဝါယမ အသင်းစုရုံး အစည်းအဝေးခန်းမ၌ ကျင်းပခဲ့သည်။

ရှေးဦးစွာ မွန်ပြည်နယ်၊ သမဝါယမဦးစီးဌာန ဒုတိယညွှန်ကြားရေးမှူး  ဦးသန်းနိုင်နှင့် သမဝါယမအသင်းစုချုပ်မှ ဦးစိုးတင့်တို့က အမှာစကားပြောကြားပြီး မြို့နယ်သမဝါယမအသင်း ဥက္ကဋ္ဌ  ဦးသန်းမောင်က ၂၀၂၂-၂၀၂၃ ဘဏ္ဍာရေးနှစ်အတွင်းဆောင်ရွက်ခဲ့သော အသင်းစုကိစ္စရပ်များ နှင့် သမဝါယမလုပ်ငန်းဆိုင်ရာများကို ဆွေးနွေးတင်ပြခဲ့သည်။

ဆက်လက်၍ သမဝါယမအသင်းစုဒုတိယဥက္ကဋ္ဌ ဦးထွန်းခင်က ၂၀၂၂-၂၀၂၃ ဘဏ္ဍာရေး ရှင်းတမ်းများနှင့် အမြတ်ခွဲဝေစာရင်းများကိုဖတ်ကြားခြင်း၊ မြို့နယ်အသင်းစုဒါရိုက်တာအဖွဲ့၏ လုပ်ငန်း အစီရင်ခံစာနှင့်ရှေးလုပ်ငန်းစဉ်များ ဖတ်ကြားတင်ပြခဲ့သည်။

အဆိုပါအခမ်းအနားသို့ မြို့နယ်သမဝါယမအသင်းစု(၂၈)ခုမှ အမှုဆောင်အဖွဲ့ဝင်များ အသင်း သားများ တက်ရောက်ခဲ့ကြပြီး  Exim Bank အပြေအကြေ ပေးဆပ်ပြီးသော အခြေခံသမဝါယမ အသင်းများအား အသင်းရန်ပုံငွေများကို အသင်းတာဝန်ခံများထံ အသီးသီးပေးအပ်ခဲ့ကြောင်း သိရသည်။

ချိုမြတ်မြတ်ထွေး (ပြန်/ဆက်)