09 Oct,2023

လောက်ကိုင်   အောက်တိုဘာ     ၉

            သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊  ကိုးကန့်ကိုယ်ပိုင်အုပ်ချုပ်ခွင့်ရဒေသကျေးလက် ဒေသဖွံ့ဖြိုးတိုးတက်ရေးဦးစီးဌာန ဒေသဦးစီးမှူး ဦးဆက်နိုင်ထွန်းသည် ကိုးကန့်ကိုယ်ပိုင်အုပ်ချုပ်ခွင့်ရ ဒေသ၊ ကုန်းကြမ်းမြို့နယ်‌အတွင်း‌ ၂၀၂၃-၂၀၂၄ ခု၊ ဘဏ္ဍာ‌‌ရေးနှစ်တွင် ဆောင်ရွက်လျက်ရှိသည့် ကျေးလက်ဒေသဖွံ့ဖြိုးရေးလုပ်ငန်း၊ စီမံကိန်းများနှင့်ပတ်သက်၍ ဆောင်ရွက်ပြီးစီးမှုအခြေအနေများအား အောက်တိုဘာလ(၇)ရက် နံနက်(၁၁)နာရီအချိန်ခန့်တွင် မြေပြင်ကွင်းဆင်းစစ်ဆေးခဲ့ကြောင်း သိရသည်။

            ကိုးကန့်ကိုယ်ပိုင်အုပ်ချုပ်ခွင့်ရဒေသကျေးလက်ဒေသဖွံ့ဖြိုးတိုးတက်ရေးဦးစီးဌာန ဒေသဦးစီးမှူး ဦးဆက်နိုင်ထွန်း၊ ကုန်းကြမ်းမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်မီမီအောင်နှင့် ဝန်ထမ်းများသည် ၂၀၂၃-၂၀၂၄ ခု၊ ဘဏ္ဍာရေးနှစ်အတွင်း ကုန်းကြမ်းမြို့နယ်၊ တာ့ကုန်းကြမ်းကျေးရွာအုပ်စု၊ ကျီချန်ကျိုင်းကျေးရွာ၌ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)အား နိုင်ငံတော်ထောက်ပံ့ရန်ပုံငွေ ကျပ်သိန်း(၁၅၀)ဖြင့် ကျေးရွာတွင်းလမ်း ကွန်ကရစ်ခင်းခြင်း လုပ်ငန်း(၅၀၀’x၁၂’x၆’’) ဆောက်ရွက်ပြီးစီးမှုအခြေအနေကိုလည်းကောင်း၊ တင်ဒါအောင်မြင်သော  ကိုးကန့်ဆွေကုမ္ပဏီ မှ ရှောက်ကိုင်ကျေးရွာအုပ်စု၊ မန်ရှင်းကျေးရွာ၌ အကောင်အထည်ဖော် ဆောင်ရွက် လျက်ရှိသည့် အရှည် (၁)မိုင်၊  အကျယ်(၁၂)ပေ၊ ထု(၉)လက်မရှိ ကျေးလက်ကုန်ထုတ်လမ်း (မြေသား+ သဲဗြုန်း) လုပ်ငန်းဆောင်ရွက်မှုအခြေအနေကိုလည်းကောင်း၊ တင်ဒါအောင်မြင်သော  ဖြိုးမင်းအောင်ကုမ္ပဏီ မှ ကျောက်ပိုင်ချန်ကျေးရွာ၌ အကောင်အထည်ဖော် ဆောင်ရွက်လျက်ရှိသည့် အရှည် (၁)မိုင်၊  (၄)ဖာလုံ၊ အကျယ်(၁၂)ပေ၊ ထု(၉)လက်မရှိ ကျေးလက်ကုန်ထုတ်လမ်း(အပိုင်း-၁)(မြေသား+သဲဗြုန်း)လုပ်ငန်း ဆောင်ရွက်မှုအခြေအနေကိုလည်းကောင်း၊ တင်ဒါအောင်မြင်သော စိမ့်စမ်းညီညီကုမ္ပဏီ မှ ရွှေကူကျိုင်း ကျေးရွာ၌ အကောင်အထည်ဖော် ဆောင်ရွက်လျက်ရှိသည့် အရှည် (၁)မိုင်၊ (၂)ဖာလုံ၊ အကျယ် (၁၂)ပေ၊ ထု(၉)လက်မရှိ ကျေးလက်ကုန်ထုတ်လမ်း(အပိုင်း-၂)(မြေသား+သဲဗြုန်း)လုပ်ငန်းဆောင်ရွက်မှုအခြေအနေ ကိုလည်းကောင်း၊ တင်ဒါအောင်မြင်သော  ကိုးကန့်သားကုမ္ပဏီ မှ တာ့ကုန်းကြမ်းကျေးရွာအုပ်စု၊ ကျုံးယွီထန်ကျေးရွာ၌ သန့်ရှင်းသော သောက်သုံးရေဖူလုံစွာရရှိရေးအတွက် အကောင်အထည်ဖော် ဆောင်ရွက်လျက်ရှိသည့် စိမ့်စမ်းရေသွယ်တန်းခြင်း(၂)မိုင်၊(၂)ဖာလုံလုပ်ငန်းနှင့် အိမ်သွယ်ရေတိုင် (၄)ဖာလုံ လုပ်ငန်းဆောင်ရွက်မှုအခြေအနေတို့ကိုလည်းကောင်း မြေပြင်ကွင်းဆင်းကြီးကြပ်စစ်ဆေးခဲ့ပြီး သတ်မှတ် ကာလအတွင်း လုပ်ငန်းများကို ဌာနမှ သတ်မှတ်ထားသော စံချိန်စံညွှန်းများနှင့်အညီ အချိန်မီပြီးစီးအောင် အလေးထား လိုက်နာဆောင်ရွက်သွားရန် တင်ဒါအောင် ကုမ္ပဏီများမှ တာဝန်ရှိပုဂ္ဂိုလ်များကို လမ်းညွှန် မှာကြားခဲ့ကြောင်း သိရသည်။