03 Oct,2023

          မန္တလေးတိုင်းဒေသကြီး၊ မိတ္ထီလာခရိုင်၊ မလှိုင်မြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာနက  ၂၀၂၂−၂၀၂၃ ဘဏ္ဍာနှစ်မှစတင်၍ မြစိမ်းရောင်ကျေးရွာစိမံကိန်း(ဆီထွက်သီးနှံ) အကောင်အထည်ဖော်ဆောင်ရွက်လျက်ရှိသည့် ရေထွက်ကျေးရွာအုပ်စု၊ ရေထွက်ကျေးရွာ၌  အရင်းငွေ(ဒုတိယအကြိမ်)ပြန်လည်ထုတ်ချေးခြင်းကို  ယနေ့နံနက်ပိုင်းက တာဝန်ရှိသူများကွင်းဆင်း ဆောင်ရွက်ခဲ့ကြောင်းသိရသည်။

          ထိုသို့ ကွင်းဆင်းစစ်ဆေးရာတွင် မလှိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်စုစုနှင့် ဝန်ထမ်းများက ရေထွက်ကျေးရွာအုပ်စု၊ ရေထွက်ကျေးရွာ၌  စိုက်ပျိုးရေးလုပ်ငန်းဖြင့် (၁၀၁)ဦး ထုတ်ချေးငွေ ကျပ်သန်း(၃၀) ဒုတိယအကြိမ်ပြန်လည်ထုတ်ချေး ခြင်းအား ကြည့်ရှုစစ်ဆေးပြီး မြို့နယ်ဦးစီးမှူးက ကျေးရွာဖွံ့ဖြိုးရေး ကော်မတီဝင်များနှင့် တွေ့ဆုံကာ မြစိမ်းရောင်ချေးငွေဖြင့် လုပ်ငန်းများအမှန်တကယ်ဆောင်ရွက်သွားကြပါရန် ဆွေးနွေးပြောကြားခဲ့ ပါသည်။