29 Sep,2023

ချမ်းမြသာစည် စက်တင်ဘာ ၂၈

မန္တလေးတိုင်းဒေသကြီး၊ ချမ်းမြသာစည်မြို့နယ်၊ ချမ်းမြသာစည်မြို့နယ်သမဝါယမအသင်းစု ၏ ၂၀၂၂-၂၀၂၃ ဘဏ္ဍာရေးနှစ်၊ နှစ်ပတ်လည်အရပ်ရပ်ဆိုင်ရာအစည်းအဝေးကို ယနေ့နံနက်(၁၀) နာရီတွင် အဆိုပါအသင်းရုံး အစည်းအဝေးခန်းမ၌ ကျင်းပသည်။

ရှေးဦးစွာ သဘာပတိ ဦးချစ်ခင်က အဖွင့်အမှာစကားပြောကြားပြီး တိုင်းဒေသကြီးသမဝါယမ ဦးစီးဌာန လက်ထောက်ညွှန်ကြားရေးမှူး ဦးမျိုးဝင်းအောင်က လမ်းညွှန်အမှာစကားပြောကြား သည်။ ဆက်လက်ပြီး တိုင်းဒေသကြီး သမဝါယမအသင်းစုချုပ်အတွင်းရေးမှူး ဦးသိန်းမြင့်က အမှာစကားပြောကြားပြီး မြို့နယ်သမဝါယမဦးစီးဌာန ဦးစီးအရာရှိ‌ ဒေါ်ဖြူသဲနွယ်က လုပ်ငန်းဆိုင်ရာ များအား ဆွေးနွေးတင်ပြသည်။

ထို့နောက် ၂၀၂၂-၂၀၂၃ ဘဏ္ဍာရေးနှစ်၊ ဒါရိုက်တာအဖွဲ့၏လုပ်ငန်းအစီရင်ခံစာ၊ ရှေ့လုပ်ငန်း စဉ်များ၊ ဘဏ္ဍာရေးရှင်းတမ်းများနှင့် အမြတ်ခွဲဝေမှုများကို ဒါရိုက်တာအဖွဲ့ဝင် ဦးသန်းထွန်းက ဖတ်ကြားခြင်း၊ အသင်းစာရင်းစစ်အစီရင်ခံစာကို အဖွဲ့ဝင် ဦးမောင်မောင်မြင့်က ဖတ်ကြားခြင်း၊ ၂၀၂၂-၂၀၂၃ ဘဏ္ဍာရေးနှစ်၏ ဘဏ္ဍာရေးရှင်းတမ်းများနှင့် ရှေ့လုပ်ငန်းစဉ်များအား အသင်းဝင် ကိုယ်စားလှယ်များထံမှ အတည်ပြုချက်ရယူခြင်း၊ တက်ရောက်လာသည့် အသင်းဝင်ကိုယ်စားလှယ် များက ဆွေးနွေးမေးမြန်းခြင်း၊ ချမ်းမြသာစည်မြို့နယ်နှင့် ပြည်ကြီးတံခွန်မြို့နယ်ရှိ သမဝါယမ အသင်းများမှ အမှုဆောင်များ၏ အခြေခံပညာအထက်တန်းတွင် ဂုဏ်ထူးဖြင့်အောင်မြင်သော သား၊သမီးများအား ဆုချီးမြှင့်ခြင်း၊ (၁၀၁)ကြိမ်မြောက် အပြည်ပြည်ဆိုင်ရာသမဝါယမနေ့အခမ်း အနားတွင် ကုန်သွယ်မှုလုပ်ငန်းများ အမြင့်မားဆုံးစွမ်းဆောင်နိုင်သည့် အခြေခံသမဝါယမအသင်း ပထမဆုရ ချမ်းမြနီလွင်သမဝါယမရောင်းဝယ်ရေးအသင်းအား ဂုဏ်ပြုမှတ်တမ်းလွှာပေးအပ်ခြင်း နှင့် ဝန်ထမ်းများအား ချီးမြှင့်ငွေပေးအပ်ခြင်း၊ အစုထည့်ဝင်ထားမှုအပေါ်အစုပေါ်အမြတ်နှင့် အစုပေါ် အတိုးပေးအပ်ခြင်းတို့ကို ဆောင်ရွက်ခဲ့ကြောင်း သိရသည်။

ခရိုင်(ပြန်/ဆက်)