02 Oct,2023

            ၂၀၂၃-၂၀၂၄ ဘဏ္ဍာနှစ် ပြည်ထောင်စု (ပြင်ထိန်း) ခွင့်ပြုရန်ပုံငွေဖြင့် ရခိုင်ပြည်နယ်စစ်တွေမြို့နယ်အတွင်း လမ်း၊ တံတားများအား ပြုပြင်ထိန်းသိမ်းခြင်းလုပ်ငန်းများ ဆောင်ရွက်ပြီးစီးမှုအခြေအနေများကို စစ်တွေခရိုင်ကျေးလက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူးနှင့် တာဝန်ရှိသူများက စက်တင်ဘာ ၂၉ ရက် နံနက်ပိုင်းတွင် ကြည့်ရှုစစ်ဆေးသည်။

           ထိုသို့စစ်ဆေးရာတွင် စစ်တွေမြို့နယ် ချောင်းနွယ်ကျေးရွာနှင့် ဇော်နဒတ်ကျေးရွာ အကြားဖောက်လုပ်ထားသည့် ၂၀၂၃-၂၀၂၄ ဘဏ္ဍာနှစ် ပြည်ထောင်စု (ပြင်ထိန်း) ခွင့်ပြု ရန်ပုံငွေကျပ် ၇၇ ဒသမ ၉ သန်း ဖြင့်အရှည် ၅၂၅ ပေ၊ အကျယ် ၁၈ ပေရှိ ကျေးရွာချင်းဆက် ကွန်ကရစ်လမ်း ပြုပြင်ထိန်းသိမ်းခြင်းလုပ်ငန်းများ ဆောင်ရွက်ပြီးစီးမှုအခြေအနေများကို စစ်တွေခရိုင် လက်လမ်းဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး (မြို့ပြ) ဒေါ်သာနို့အေးနှင့် တာဝန်ရှိသူများက ကြည့်ရှုစစ်ဆေးခြင်းဖြစ်သည်။

           အဆိုပါ ကျေးရွာချင်းဆက်ကွန်ကရစ်လမ်းပြုပြင်ထိန်းသိမ်းခြင်းလုပ်ငန်းများကို ဩဂုတ်၇ ရက်တွင် စတင်ဆောင်ရွက်ခဲ့ခြင်းဖြစ်ပြီး ယခုအခါ လုပ်ငန်းများအားလုံး ရာနှုန်းပြည့် ဆောင်ရွက်ပြီးဖြစ်ကြောင်း၊ ထိုကျေးရွာချင်းဆက် ကွန်ကရစ်လမ်းပြီးစီးမှုကြောင့် ချောင်းနွယ် ကျေးရွာ၊ ဇော်နဒတ်ကျေးရွာ၊ ကံ့ကော်ကျွန်း ကျေးရွာနှင့် ရွာသစ်ကေကျေးရွာတို့၌နေထိုင်ကြ သည့် လူဦးရေ ၅၇ဝ၅ ဦး၏ စီးပွားရေး၊ လူမှုရေး၊ ပညာရေး၊ ကျန်းမာရေးနှင့် အခြားသောလုပ်ငန်း များအတွက် လွယ်ကူအဆင်ပြေလာမည်ဖြစ်ကြောင်း စစ်တွေမြို့နယ်ကျေးလက်လမ်းဖွံ့ဖြိုးရေးဦးစီးဌာနမှ သိရသည်။

ပြည့်ဖြိုး(မြဝတီ)