ဖျာပုံ စက်တင်ဘာ ၂၃
ဧရာဝတီတိုင်းဒေသကြီး ဖျာပုံမြို့နယ်အတွင်း ကွန်ကရစ်တံတား တည်ဆောက်နေမှုကို ယမန်နေ့က ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူးချုပ် ဦးစိုးထွန်းနိုင်နှင့် တာဝန်ရှိသူများ ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ဖျာပုံမြို့ နယ်၌ ၂၀၂၂-၂၀၂၃ ဘဏ္ဍာနှစ်တွင် ဆောင်ရွက်သည့် ပဆင- သလိပ်ကြီး- တူးမြောင်း- ဂျိုဝါကြံခင်းလမ်းပေါ်ရှိ အရှည် ပေ ၁၆၀၊ အကျယ် ပေ ၂၀ ကွန်ကရစ်တံတား တည်ဆောက်နေမှုကို ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူးချုပ် ဦးစိုးထွန်းနိုင်၊ စစ်ဆေးရေးအရာရှိချုပ် ဦးရဲခေါင်ထွန်း၊ တိုင်းဒေသကြီး ညွှန်ကြားရေးမှူး(မြို့ပြ) ဦးမင်းသိန်းနှင့် တာဝန်ရှိသူများက ကြည့်ရှုစစ်ဆေးပြီး အချိန်မီပြီးစီးအောင် ဆောင်ရွက်ရေး ပေါင်းစပ်ညှိနှိုင်းကာ လိုအပ်သည်များမှာကြားခဲ့သည်။
ဆက်လက်၍ တာဝန်ရှိသူများသည် ၂၀၂၄ - ၂၀၂၅ ဘဏ္ဍာနှစ်တွင် ဆောင်ရွက်ရန်လျာထားသည့် ကဇောင်း-ပုလဲ ကွန်ကရစ်တံတား ချဉ်းကပ်လမ်းနှင့် ဘိုကလေးမြို့နယ် ဂုံမင်းချောင်းတံတား ချဉ်းကပ်လမ်း မြေနေရာရရှိနိုင်ရေး ဒေသခံများနှင့် တွေ့ဆုံညှိနှိုင်းပြီးလိုအပ်သည်များ မှာကြားခဲ့ကြောင်း သိရသည်။
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။
၂၀၂၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲတွင် ဖြစ်ပွားခဲ့သည့်
မဲမသမာမှုနှင့်တရားမဲ့ပြုကျင့်မှုများအပေါ်
စုံစမ်းစစ်ဆေးတွေ့ရှိချက်