25 Sep,2023

မြစ်ကြီးနား၊ စက်တင်ဘာ  ၂၅

          ကချင်ပြည်နယ်အစိုးရအဖွဲ့၏ လမ်းညွှန်ကြီးကြပ်မှုဖြင့် ကုန်ဈေးနှုန်းတည်ငြိမ်ရေးနှင့် ပြည်သူများ သက်သာသောဈေးနှုန်းဖြင့် အခြေခံစားကုန်များဝယ်ယူနိုင်ရန်အတွက် မြစ်ကြီးနား မြို့နယ်အတွင်းရှိ စည်ပင်သာယာဈေးများတွင် တစ်ပတ်လျှင်နှစ်ရက် ဖွင့်လှစ်ရောင်းချပေးလျက် ရှိသည်။

           ကချင်ပြည်နယ်သမဝါယမအသင်းစုချုပ်နှင့် မြစ်ကြီးနားမြို့နယ်သမဝါယမအသင်းစုတို့ ပူးပေါင်း၍ သမဝါယမအသင်းများမှ ထုတ်လုပ်သည့် မြေပဲဆီသန့်၊ မုန်ညင်းဆီသန့်နှင့် နို့ဆီများကို မြို့နယ်အတွင်းရှိ ရွှေညောင်ပင်ဈေး၊ အင်ဂျန်ဒုန်ဈေးနှင့် လယ်ကုန်းဈေးတို့၌လည်းကောင်း၊ ဗန်းမော် မြို့နယ်သမဝါယမအသင်းစုမှ (၂)မိုင်အောင်သာအခွန်လွတ်ဈေးတွင် မြေပဲဆီသန့်များကိုလည်း ကောင်း ပြည်သူများ ပြင်ပပေါက်ဈေးထက် ဈေးနှုန်းသက်သာစွာဝယ်ယူနိုင်ရန် ရောင်းချပေးခဲ့ ကြောင်း သိရသည်။