25 Sep,2023

ဘားအံ စက်တင်ဘာ၂၄

ကရင်ပြည်နယ် သမဝါယမအသင်းစုချုပ်၏ (၂၀၂၂-၂၀၂၃) ဘဏ္ဍာရေးနှစ် နှစ်ပတ်လည် အရပ်ရပ်ဆိုင်ရာအစည်းအဝေးကို ဘားအံမြို့ ကရင်ပြည်နယ်သမဝါယမအသင်းစုချုပ်ရုံးအစည်း အဝေးခန်းမ၌ စက်တင်ဘာလ ၂၃ ရက်နေ့ နံနက် ၁၀ နာရီခန့်က ကျင်းပရာ ကရင်ပြည်နယ် သမဝါယမဦးစီးဌာန ပြည်နယ်ဦးစီးမှူး ဒေါ်ဆုယဉ်မြင့်မှ လမ်းညွှန်အမှာစကားပြောကြားသည်။

ဆက်လက်၍ အစည်းအဝေးတွင် ၂၀၂၂-၂၀၂၃ ဘဏ္ဍာရေးနှစ်၏ အမှုဆောင်ဒါရိုက်တာအဖွဲ့ အစီရင်ခံစာနှင့် ဘဏ္ဍာရေးရှင်းတမ်း၊ အမြတ်ခွဲဝေမှုစရင်းအား၊ အသင်းဒုဥက္ကဋ္ဌ ဦးလင်းခိုင်မှ ဖတ်ကြား ခြင်းနှင့် အသင်းစာရင်းဝင်အဖွဲ့ခေါင်းဆောင်ဦးသန်းထွန်းက အသင်းစာရင်းစစ်အဖွဲ့အစီရင်ခံစာကို ဖတ်ကြားခဲ့သည်။ ၎င်းအစီရင်ခံစာနှင့် ရှေ့လုပ်ငန်းစဉ်များကို တက်ရောက်လာကြသောအသင်းဝင် ကိုယ်စားလှယ်များက သဘောတူအတည်ပြုကြောင်း ဆုံးဖြတ်ချက်ချခဲ့သည်။ (၂၀၂၂-၂၀၂၃) ဘဏ္ဍာ ရေးနှစ် နှစ်ပတ်လည်အရပ်ရပ်ဆိုင်ရာ အစည်းအဝေးသို့ သမဝါယမနှင့် ကျေးလက်ဖွံ့ဖြိုးရေးဝန်ကြီး ဌာနလက်အောက်ရှိ ဦးစီးဌာန ညွှန်ကြားရေးမှူးနှင့် ပြည်နယ်ဦးစီးဌာနများမှ ပြည်နယ်မှူးများ၊ အသင်းစုချုပ်အမှုဆောင်များ၊ ဖိတ်ကြားထားသောဧည့်သည်တော်များ တက်ရောက်ခဲ့ကြောင်း သိရှိ ရပါသည်။

ဘားအံသတင်းဌာနခွဲ