06 Jun,2022

ရန်ကုန်မြောက်ပိုင်းခရိုင်၊ လှည်းကူးမြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနက အလုပ်အကိုင်အခွင့်အလမ်းနှင့် တစ်ပိုင်တစ်နိုင်လုပ်ငန်းများ လုပ်ကိုင်နိုင်ရန် ရည်ရွယ်ဖွင့်လှစ်သည့် အခြေခံမော်တာစက်ချုပ်သင်တန်း ဖွင့်ပွဲအခမ်းအနားကို (၁.၆.၂၀၂၂) ရက်နေ့ နံနက်(၉:၃၀)နာရီတွင် ရဲမွန်ကျေးရွာ၌ ကျင်းပခဲ့ပါသည်။

          သင်တန်းဖွင့်ပွဲအခမ်းအနားသို့ မြောက်ပိုင်းခရိုင််ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ခရိုင်ဦးစီးမှူး ဦးဘသိန်း၊ လှည်းကူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ် ဦးစီးမှူး ဒေါ်သန္တာစိုး၊ လှည်းကူးမြို့နယ်သမဝါယမဦးစီးဌာနမှ မြို့နယ်ဦးစီးမှူး ဒေါ်သန္တာစိုး၊ သင်တန်း နည်းပြဆရာမ ဒေါ်စုစုချော၊ ကျေးရွာအုပ်ချုပ်ရေးမှူးနှင့် ရပ်မိရပ်ဖတို့ တက်ရောက်ခဲ့ကြပါသည်။

          အဆိုပါသင်တန်းတွင် ရဲမွန်ကျေးရွာအုပ်စုနှင့် ပတ်ဝန်းကျင်ကျေးရွာများမှ သင်တန်းသား၊ သင်တန်းသူ (၂၀)ဦးအား မော်တာစက်ဖြင့် အခြေခံစက်ချုပ်နည်းအဆင့်ဆင့်ကို စာတွေ့လက်တွေ့ (၁)လကြာ သင်ကြားပေးမည်ဖြစ်ပါသည်။