ကြို့ပင်ကောက် စက်တင်ဘာ ၁၅
ပဲခူးတိုင်းဒေသကြီး သာယာဝတီခရိုင် ကြို့ပင်ကောက်မြို့ သမဝါယမဦးစီးဌာနမှမြို့နယ် ဦးစီးမှူးနှင့် တာဝန်ရှိသူများသည် ဥက္ကံကျေးရွာအုပ်စုတွင် ကျေးရွာစိုက်ပျိုးရေးအသင်းသားများ နိုင်ငံ့စီးပွားမြှင့်တင်ရေးရန်ပုံငွေဖြင့် စိုက်ပျိုးထားသော မိုးစပါးစိုက်ခင်းများသို့ ကွင်းဆင်းကြည့်ရှု့ ခဲ့ကြောင်း သိရသည်။
နိုင်ငံ့စီးပွားမြှင့်တင်ရေးရန်ပုံငွေဖြင့် ဆင်သုခစပါးမျိုး ၅ ဧကစိုက်ပျိုးထားရာ စပါးသက်တမ်း ၁၀၅ ရက်ရှိပြီဖြစ်ကြောင်း နောက် ၁၅ ရက်အကြာတွင် စတင်ရိတ်သိမ်းတော့မည်ဖြစ်ကြောင်း တစ်ဧကအထွက်နှုန်းအား တင်း ၁၂၀ ခန့်မှန်းထားကြောင်း ဥက္ကံကျေးရွာအုပ်စု ကျွန်းကုန်းကျေးရွာ ကျွန်းသာယာစိုက်ထွေသမအသင်းမှ အသင်းသားတောင်သူ ဦးတင်ဝင်းထံမှ သိရသည်။
ဥက္ကံကျေးရွာအုပ်စုတွင် နိုင်ငံ့စီးပွားမြှင့်တင်ရေးရန်ပုံငွေဖြင့် တောင်သူ ၁၂ ဦးမှ ဧကပေါင်း ၅၃ ဧက စိုက်ပျိုးထားကြောင်း တစ်မြို့နယ်လုံးအတိုင်းအတာဖြင့် ကျေးရွာစိုက်ပျိုးရေးအသင်း ၇ သင်းမှ အသင်းသားတောင်သူ ၇၁ ဦး၏ လယ်ဧက ၄၀၀ တွင် မိုးစပါးမျိုးများဖြစ်သော ဆင်းသုခစပါး၊ ရတနာတိုးစပါးမျိုးတို့ကို စိုက်ပျိုးထားကြောင်း မြို့နယ်သမဝါယမဦးစီးဌာန မြို့နယ်ဦးစီးမှူး ဒေါ်အေးသန်းဌေးထံမှ သိရသည်။
ဇေယျာထွန်း (ကြို့ပင်ကောက်)
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။