12 Sep,2023

မန္တလေး စက်တင်ဘာ ၁၂

          မန္တလေးတိုင်းဒေသကြီး မိတ္ထီလာခရိုင် မိတ္ထီလာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ရေငံ(န)ကျေးရွာ၌ မြစိမ်းရောင်ကျေးရွာစီမံကိန်းလုပ်ငန်းမားဆောင်ရွက်နေမှုကို ယနေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာတွင် မိတ္ထီလာမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးချမ်းငြိမ်းဝင်းနှင့် ဝန်ထမ်းများက မြစိမ်းရောင်ကျေးရွာစီမံကိန်းလုပ်ငန်း အဖွဲ့ဝင်များနှင့်အတူ ရေငံ(န)ကျေးရွာ၌ မွေးမြူရေးလုပ်ငန်းများ ဆောင်ရွက်ထားမှုအခြေအနေ များ၊ လအလိုက်ဖြည့်သွင်းရမည့် ငွေစာရင်းပုံစံများကို ကြည့်ရှုစစ်ဆေးပြီး မြို့နယ်ဦးစီးမှူးက ကျေးရွာတာဝန်ရှိသူများ၊ ကျေးရွာလုပ်ငန်းအဖွဲ့ဝင်များနှင့် တွေ့ဆုံပြီး သတ်မှတ်ကာလအတွင်း အတိုးအရင်းငွေများ ပေးသွင်းကြရန်နှင့် လိုအပ်သည်များ မှာကြားသည်။

          မိတ္ထီလာမြို့နယ် မြောက်လည်ကျေးရွာအုပ်စု၊ ရေငံ(န)ကျေးရွာ၌ ၂၀၁၅-၂၀၁၆ ဘဏ္ဍာနှစ်က စတင်အကောင်အထည်ဖော်ဆောင်ရွက်ခဲ့ရာ ယခုအခါ မိတ္ထီလာမြို့နယ် ကျေးလက်ဒေသဖွံ့ဖြိုးတိုး တက်ရေးဦးစီးဌာနက ရေငံ(န)ကျေးရွာရှိ မွေးမြူရေးလုပ်ကိုင်သူ ၃၈ ဦးကို မြစိမ်းရောင်ကျေးရွာ စီမံကိန်းရန်ပုံငွေကျပ် ၅၀ ဒသမ ၂ သန်း ထုတ်ချေးပေးထားကြောင်း မိတ္ထီလာမြို့နယ် ကျေးလက် ဒေသဖွံ့ဖြိုးတိုး တက်ရေးဦးစီးဌာန မြို့နယ်ဦးစီးမှူး ဦးချမ်းငြိမ်းဝင်းထံမှ သိရသည်။