06 Sep,2023

ကျွန်းစု စက်တင်ဘာ ၆

တနင်္သာရီတိုင်းဒေသကြီး၊ ကျွန်းစုမြို့နယ်တွင် နိုင်ငံ့စီးပွားမြှင့်တင်ရေးရန်ပုံငွေဖြင့် မိုးစပါး စိုက်ပျိုးရေးစီမံကိန်းမြစိမ်းရောင်(သမဝါယမကဏ္ဍ)မှ အသင်းသားတောင်သူများ၏ စိုက်ဧက (၂ဝဝ) အတွက် (၁)ဧကလျှင်(၂)သိန်းနှုန်းနှင့် ညီမျှသော မတည်ချေးငွေ(သွင်းအားစု/ မျိုးစပါး) များအား မြိတ်မြို့ရှိ ကျွန်းစုမြို့နယ်သမဝါယမအသင်းစုခွဲရုံး၌ ပေးအပ်ခဲ့သည်။ ရှေးဦးစွာ မြို့နယ်အဆင့် မိုးစပါးစိုက်ပျိုးရေးစီမံကိန်း(မြစိမ်းရောင်) ကြီးကြပ်မှုကော်မတီဥက္ကဋ္ဌ ဦးအောင်စန်းဝင်းက အဖွင့် အမှာစကားပြောကြားခဲ့ပြီး တနင်္သာရီတိုင်းဒေသကြီး၊ သမဝါယမဦးစီးဌာန လက်ထောက်ညွှန်ကြား ရေးမှူး ဦးဇော်မင်းဆွေက အမှာစကားပြောကြားခဲ့သည်။ထိုနောက် မိုးစပါးစိုက်ပျိုးရေးစီမံကိန်း မြစိမ်းရောင်(သမဝါယမကဏ္ဍ)မှ ကျွန်းစုမြို့နယ်၊ စိုက်ဧက(၂ဝဝ)အတွက်( ၁ )ဧကလျှင်( ၂ ) သိန်း နှုန်းနှင့် ညီမျှသောမတည်ငွေ(သွင်းအားစု/မျိုးစပါး)များအား မြို့နယ်အဆင့်မိုးစပါးစိုက်ပျိုးရေး စီမံကိန်း(မြစိမ်းရောင်)ကြီးကြပ်မှုကော်မတီဥက္ကဋ္ဌ ဦးအောင်စန်းဝင်းနှင့် တာဝန်ရှိသူများက မြို့နယ် အတွင်းရှိ သမာဓိ(လယ်ယာနှင့်အထွေထွေ)သမဝါယမအသင်းရှိ အသင်းသားတောင်သူ(၅၁)ဦးထံ ပေးအပ်ခဲ့သည်။ထိုနောက် အသင်းသားတောင်သူများကိုယ်စား တောင်သူတစ်ဦးက ကျေးဇူးတင် စကားပြောကြားခဲ့ပြီး မြို့နယ်ကြီးကြပ်မှုကော်မတီဥက္ကဋ္ဌက နိဂုံးချုပ် အမှာစကားပြောကြားခဲ့ ကြောင်း သိရသည်။