ညောင်ရွှေ၊ ဩဂုတ် ၂၅
ရှမ်းပြည်နယ်(တောင်ပိုင်း)၊ ညောင်ရွှေမြို့နယ် မြောက်ဈေးပါးသစ်တောတည်ထောင်သူများ ငွေစုငွေချေးသမဝါယမအသင်းလီမိတက်၏ ၂၀၂၂-၂၀၂၃ ဘဏ္ဍာရေးနှစ် အရပ်ရပ်ဆိုင်ရာအစည်း အဝေးကို ညောင်ရွှေမြို့ စေတနာမွန်မူကြိုကျောင်းခန်းမ၌ ကျင်းပပြုလုပ်ခဲ့ပြီး အသင်းဥက္ကဋ္ဌက အဖွင့်အမှာစကားပြောကြားခဲ့သည်။
ဆက်လက်၍ အသင်း၏ လုပ်ငန်းဆောင်ရွက်ချက်အစီရင်ခံစာ၊ ဘဏ္ဍာရေးရှင်းတမ်းများ ဖတ်ကြားရှင်းလင်းပြီး ရှေ့လုပ်ငန်းစဉ်များအားချမှတ်ခြင်းတို့ကို ဆောင်ရွက်ခဲ့ကြပြီး တာဝန်ရှိသူ များက အသင်းသူ အသင်းသားများအား စုဆောင်းငွေပေါ်အတိုးငွေကျပ် ၃၂၀၃၀၉၀ ၊ အစုပေါ် အမြတ်ငွေကျပ် ၃၇၅၅၆၈၉.၇၄ နှင့် အသင်းသားထောက်ပံ့ငွေကျပ် ၃၁၂၀၀၀၀ တို့အား ထုတ်ပေးခဲ့သည်။
အဆိုပါ အရပ်ရပ်ဆိုင်ရာအစည်းအဝေးသို့ မြို့နယ်သမဝါယမဦးစီးဌာနမှ ဦးစီးအရာရှိနှင့် တာဝန်ရှိသူများ၊ မြို့နယ်သမဝါယမအသင်းစုမှ အသင်းဥက္ကဋ္ဌနှင့် အမှုဆောင်များ၊ အသင်းသူ အသင်းသားများ တက်ရောက်ခဲ့ကြောင်း သိရသည်။
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။