ဒေးဒရဲ         ဩဂုတ်       ၂၈

 

ဧရာဝတီဒေသကြီး၊ ဖျာပုံခရိုင်၊‌‌ ဒေးဒရဲ မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ်သီသီအောင်နှင့်တာဝန်ရှိသူများသည်  ဓနုံးချောင်း ကျေးရွာအုပ်စု၊ ဓနုံး‌ချောင်းကျေးရွာ၌ မြစိမ်း‌ရောင်ကျေးရွာ စီမံကိန်းဖြင့်လုပ်ငန်း ဆောင်ရွက်နေမှုအခြေ အနေများကို ဩဂုတ်(၂၇) ရက်နေ့ နံနက်ပိုင်းက ကွင်းဆင်းစစ်ဆေးခဲ့ ကြောင်းသိရသည်။

 

ထိုသို့ကွင်းဆင်းစစ်ဆေးရာတွင် ဒေးဒရဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်သီသီအောင်နှင့် တာဝန်ရှိသူများသည် ဓနုံးချောင်းကျေးရွာမြစိမ်းရောင်စီမံကိန်းလုပ်ငန်းအဖွဲ့ဝင်များနှင့်အတူ ဓနုံးချောင်းကျေးရွာ၌ မြစိမ်းရောင်ကျေးရွာစီမံကိန်း မတည်ရန်ပုံငွေဖြင့် လုပ်ငန်းအမှန်တကယ်အကောင်အထည်ဖော်ဆောင်ရွက်မှုရှိမရှိ ၊လစဉ်ဖြည့်သွင့်ရမည့်စာရင်းဇယားများစနစ် တကျ ဖြည့်သွင်းထားမှုနှင့် စီမံကိန်းဆိုင်ရာညွှန်ကြားချက်များ၊စည်းမျဉ်း စည်းကမ်းများအပေါ် လိုက်နာဆောင်ရွက်မှု အခြေအနေများအား စစ်ဆေးခဲ့ပြီး မြို့နယ်ဦးစီးမှူးက လိုအပ်သည်များကို လမ်းညွှန်မှာကြားခဲ့သည်။

 

ဆက်လက်၍ ဒေးဒရဲမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဓနုံးချောင်းကျေးရွာ၌ မြစိမ်းရောင်ကျေးရွာစီမံကိန်းကို၂၀၁၈-၂၀၁၉ခုဘဏ္ဍာနှစ်တွင်‌ ငွေကျပ်းသိန်း ၃၀၀ ဖြင့်စတင်မတည်ဆောင်ရွက်ပေးခဲ့ပြီးယခု ပဆဌမနှစ်စက်ဝန်းတွင် စိုက်ပျိုးရေး၊မွေးမြူရေး၊‌ ရေလုပ်ငန်းနှင့်အရောင်း အဝယ်လုပ်ငန်းလုပ်ကိုင်ကြသော အိမ်ထောင်စု(၁၀၈)စုတို့အတွက် ငွေကျပ် ၃၈ သန်းထုတ်ချေးပေးကာ မိသားစု စီးပွားရေးလုပ်ငန်းများ တစ်ပိုင်တစ်နိုင် ဆောင်ရွက်နိုင်ရေး၊မိသာစုဝင်ငွေပိုမို တိုးပွားလာ‌ စေရေးအတွက် လိုအပ်သော ငွေကြေးနှင့်ဝန်ဆောင်မှုများအား ကူညီပံ့ပိုးပေးလျက်ရှိကြောင်း ဒေးဒရဲမြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဒေါ်သီသီအောင်ထံမှ သိရသည်။