သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေပြည်သူများ အလုပ်အကိုင်အခွင့်အလမ်းရရှိလာစေရန်၊ မိသားစုဝင်ငွေ တိုးပွားလာစေရန်၊ ဆင်းရဲနွမ်းပါးမှုလျော့ချရေးလုပ်ငန်းစဉ်များကို အထောက်အကူပြုရန်နှင့် တိုးပွားလာသော ရန်ပုံငွေများဖြင့် ကျေးရွာဖွံ့ဖြိုးရေးလုပ်ငန်းများကို ကျေးရွာမှ ကိုယ်တိုင်အကောင်အထည်ဖော်ဆောင်ရွက်နိုင်ရန် ရည်ရွယ်ဆောင်ရွက်လျက်ရှိသည့် လုပ်ငန်းတွေ ပိုမိုခိုင်မာအားကောင်းလာစေဖို့၊ မြေပြင်စနစ်တကျ ကွင်းဆင်းကြီးကြပ်စစ်ဆေးနိုင်စေဖို့၊ စီမံကိန်းတွင် ပြောင်းလဲအသုံးပြုနေသော နည်းပညာများ၊ လုပ်ထုံးလုပ်နည်းများအား သိရှိနိုင်စေရန် ရည်ရွယ်၍ မြစိမ်းရောင်ကျေးရွာစီမံကိန်း အကောင်အထည်ဖော်ရေး မွမ်းမံသင်တန်းဖွင့်ပွဲ အခမ်းအနားကို ယနေ့နံနက်ပိုင်း ၉:၃၀နာရီအချိန်က နေပြည်တော်ရှိ ရုံးအမှတ်(၃၆) ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်) အစည်းအဝေးခန်းမ၌ ကျင်းပ ပြုလုပ်ခဲ့သည်။

ရှေ့ဦးစွာ ကျေးလက်ဒေသဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် ဦးသိန်းလွင်က အဖွင့်အမှာ စကားပြောကြားသည်။ အဆိုပါသင်တန်းကို ပြည်ထောင်စုနယ်မြေ၊ နေပြည်တော်အပါအဝင် တိုင်းဒေသကြီး/ပြည်နယ်များမှ သင်တန်းသား/သူ (၃၁)ဦး တက်ရောက်ကြပြီး သင်တန်းတွင် မူဝါဒရေးရာကိစ္စရပ်များလမ်းညွှန် မှာကြားခြင်း၊ မြစိမ်းရောင်စီမံကိန်းအခြေအနေနှင့် ရှေ့လုပ်ငန်းစဉ်းများ၊ Mobile Financial Pahment၊ ကြွေးကျန်၊ သက်တမ်းတိုး၊ မှတ်တမ်းထားရှိခြင်းနှင့် ပယ်ဖျက်ခွင့် လုပ်ငန်းစဉ်များ၊ Exit Strategy၊ ငွေစာရင်းပုံစံရေးသွင်းခြင်း၊ လစဉ်ပြန်တမ်းပြုစုခြင်း၊ MISစနစ် လက်တွေ့အသုံးပြုမှုများကို (၃)ရက်ကြာ ဖွင့်လှစ်ပို့ချ သွားမည်ဖြစ်ကြောင်း သိရသည်။အဆိုပါသင်တန်းဖွင့်ပွဲအခမ်းအနားကို ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သင်တန်းသား/သူ (၃၁)ဦး တက်ရောက်ကြကြောင်းသိရသည်။