14 Aug,2023

မုဒုံ၊ ဩဂုတ် ၁၄

မွန်ပြည်နယ် မုဒုံမြို့နယ် သမဝါယမအသင်းစုလီမိတက်၏ ၂၀၂၂ - ၂၀၂၃ ဘဏ္ဍာရေးနှစ် အတွက် နှစ်ပတ်လည်အရပ်ရပ်ဆိုင်ရာအစည်းအဝေးကို မြို့နယ်သမဝါယမအသင်းစုရုံးခန်းမ၌ ပြုလုပ်သည်။ အခမ်းအနားတွင် မြို့နယ်သမဝါယမအသင်းစုဥက္ကဋ္ဌ ဒေါ်စိုးစိုးအေးက အဖွင့်အမှာ စကားပြောကြားပြီး မွန်ပြည်နယ်သမဝါယမဦးစီးဌာန လက်ထောက်ညွှန်ကြားရေးမှူး ဒေါ်ဝေဝေလွင်က သမဝါယမဆိုင်ရာကိစ္စရပ်များနှင့်ရှေ့လုပ်ငန်းစဉ် အကြောင်းအရာများကို လမ်းညွှန်အမှာစကား ပြောကြားသည်။  ထို့နောက် ၂၀၂၂ - ၂၀၂၃ ဘဏ္ဍာနှစ် ဒါရိုက်တာအဖွဲ့အစီရင်ခံစာကို တာဝန်ရှိသူ တစ်ဦးက ဖတ်ကြားတင်သွင်းပြီး ဘဏ္ဍာရေးရှင်းတမ်းနှင့် အမြတ်ခွဲဝေပုံစာရင်းများကို အသင်းစု ဥက္ကဋ္ဌက အတည်ပြုကြောင်း ဆုံးဖြတ်ချက်ချမှတ်ခြင်းများနှင့် အထွေထွေပိုင်းဆွေးနွေးဆုံးဖြတ်ခြင်း၊ အတည်ပြုချက်များရယူခြင်းတို့ကို ဆောင်ရွက်ပေးခဲ့သည်။ အဆိုပါ အခမ်းအနားသို့ မွန်ပြည်နယ် သမဝါယမဦးစီးဌာန လက်ထောက်ညွှန်ကြားရေးမှူးနှင့် ဝန်ထမ်းများ၊ မြို့နယ်ဦးစီးအရာရှိနှင့် ဝန်ထမ်းများ၊ မြို့နယ်သမဝါယမအသင်းစုချုပ်ဥက္ကဋ္ဌနှင့် ဒါရိုက်တာအဖွဲ့ဝင်များ၊ အခြေခံသမဝါယမ အသင်းဝင်စားလှယ်များ စုစုပေါင်း (၇၁)ဦးတက်ရောက်ခဲ့ကြောင်း သိရသည်။