11 Aug,2023

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ပြည်ထောင်စုဝန်ကြီးရုံးရှိ ရွှေကမ္ဘာငွေစုငွေချေး သမဝါယမအသင်းလီမိတက်၏ ၂၀၂၂-၂၀၂၃ ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေး ကို ၁၁-၈-၂၀၂၃ ရက်နေ့က ဝန်ကြီးဌာန၊ အစည်းအဝေးခန်းမ၌ ကျင်းပခဲ့ပါသည်။

              အခမ်းအနားတွင် အသင်းဥက္ကဋ္ဌဖြစ်သူ သဘာပတိ ဦးကျော်ဒွန်း က အဖွင့်အမှာစကား ပြောကြားပြီး ၂၀၂၂-၂၀၂၃ ဘဏ္ဍာရေးနှစ်  ဒါရိုက်တာအဖွဲ့၏လုပ်ငန်းအစီရင်ခံစာကို အုပ်ချုပ်မှုဒါရိုက်တာ ဒေါ်တင်တင်စိုးကလည်းကောင်း၊ အသင်းစာရင်းစစ်အစီရင်ခံစာကို အသင်းစာရင်းစစ် ဒေါ်ဟေမာဝင်း ကလည်းကောင်း ဖတ်ကြားတင်ပြခဲ့ရာ သဘာပတိမှ အတည်ပြုခဲ့ပါသည်။

              ရွှေကမ္ဘာငွေစုငွေချေးသမဝါယမအသင်းလီမိတက် အသင်းသား အသင်းသူ ၁၂၈ ဦးအား အစုပေါ်အမြတ်ငွေနှင့် ၂၀၂၃ ခုနှစ်၊ ဩဂုတ်လအတွက် အသင်းသားများအား ဆန် (၆) ပြည်၊ မြေပဲဆီ ၅၀ ကျပ်သား ထောက်ပံ့ပေးခဲ့ပါသည်။