09 Aug,2023

      မန္တလေးတိုင်းဒေသကြီး ကျောက်ဆည်မြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ကျေးလက်နေပြည်သူများ လူမှုဘဝ ဖွံ့ဖြိုးတိုးတက်စေရေးအတွက် ကျေးလက်လမ်း၊ တံတားများ တည်ဆောက်/ပြင်ဆင် ထိန်းသိမ်းခြင်းလုပ်ငန်းများ ဆောင်ရွက်ပေးလျက်ရှိရာ ၂ဝ၂၃-၂ဝ၂၄ ဘဏ္ဍာနှစ် တွင် ကျေးရွာချင်းဆက်လမ်း သုံးလမ်း ပြန်လည်ပြုပြင်ပေးလျက်ရှိကြောင်း သိရသည်။

     ထိုသို့ ပြန်လည်ပြုပြင် ပေးရာတွင် ကျေးရွာချင်းဆက်လမ်းများဖြစ်သည့် ကျောက်ဆည်-ငှက္ကတောင်လမ်းအား ခွင့်ပြု ရန်ပုံငွေကျပ် ၂၉၇ ဒသမ ၅ သန်းဖြင့် အရှည် ၁ မိုင်၊ အကျယ် ၁၈ ပေ၊ ထု ၉ လက်မ ကတ္တရာထပ်ပိုးလွှာခင်းခြင်း၊ရွှေအင်း-ရှင်ငယ်ကျလမ်းအား ခွင့်ပြုရန်ပုံငွေကျပ် ၇၇ ဒသမ ၆၇သန်းဖြင့် အရှည်(၀/၄)မိုင်၊ အကျယ် ၁၆ ပေ၊ ထု ၆ လက်မ ကျောက်ချောလမ်းခင်းခြင်း၊ တောင်နောက်-သင်တောင်းလမ်းအား ခွင့်ပြုငွေကျပ် ၇၅ ဒသမ ၄၇ သန်းဖြင့် အရှည်(၀/၁.၇၄)မိုင်၊အကျယ် ၁၂ မိုင်၊ ထု ၇ လက်မ ကွန်ကရစ် လမ်းခင်းခြင်းတို့ ဆောင်ရွက်ပေးခြင်းဖြစ်သည်။

      အဆိုပါ ကျေးရွာချင်းဆက်လမ်းများ ပြန်လည်ပြုပြင်ခြင်းဖြင့် ဒေသခံကျေးရွာ ရှစ်ရွာမှ ပြည်သူများ၏ လူမှုရေး၊ စီးပွားရေး၊ ကျန်းမာရေး၊ ပညာရေး စသည့်ကဏ္ဍများ ဖွံ့ဖြိုးတိုးတက် လာမည်ဖြစ်ကြောင်း သိရသည်။

သက်မောင်(ကျောက်ဆည်)