ရပ်စောက်၊ ဩဂုတ် ၄
ရှမ်းပြည်နယ်(တောင်ပိုင်း)၊ ရပ်စောက်မြို့နယ်၊ ရပ်စောက်မြို့၊ မြို့မဈေးသမဝါယမအသင်း လီမိတက်၏ (၂၀၂၁-၂၀၂၂၊ ၂၀၂၂-၂၀၂၃) ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာ အစည်းအဝေးကို ရဿဝတီခန်းမ၌ ကျင်းပခဲ့သည်။
အဆိုပါအစည်းအဝေးတွင် သဘာပတိ ဦးမြင့်သိန်းနှင့် မြို့နယ်သမဝါယမဦးစီးဌာန ဦးစီးအရာရှိ ဒေါ်ဇင်မာဝင့်တို့က အမှာစကားပြောကြားပြီးနောက် ဒါရိုက်တာအဖွဲ့၏ (၂၀၂၁-၂၀၂၂၊ ၂၀၂၂-၂၀၂၃) ဘဏ္ဍာရေးနှစ်အတွက် လုပ်ငန်းအစီရင်ခံစာ၊ နှစ်ချုပ်ဘဏ္ဍာရေးရှင်းတမ်းများနှင့် အမြတ်ခွဲဝေမှုစာရင်းများကို ဖတ်ကြားတင်ပြခြင်း၊ အသင်းစာရင်းစစ်အဖွဲ့၏ အစီရင်ခံစာ၊ အမြတ် ခွဲဝေမှုစာရင်းနှင့် ဘဏ္ဍာရေးရှင်းတမ်းများ၊ ရှေ့လုပ်ငန်းစဉ်များကို အတည်ပြုခြင်း၊ အသင်း စည်းကမ်းများကို ပြင်ဆင်ဖြည့်စွက်ခြင်း၊ အသင်းသားများ၏ အကြံပေးမေးမြန်းချက်များအား ပြန်လည်ဖြေကြားပြီး ရှင်းလင်းချက်များ ပြုလုပ်ခဲ့ကြသည်။
ဆက်လက်၍ ရပ်စောက်မြို့၊ မြို့မဈေးသမဝါယမအသင်းလီမိတက်၏ (၂၀၂၁-၂၀၂၂၊ ၂၀၂၂-၂၀၂၃) ဘဏ္ဍာရေးနှစ် နှစ်ပတ်လည်အရပ်ရပ်ဆိုင်ရာအစည်းအဝေးသို့ တက်ရောက်လာသည့် အသင်းသားများကို အစည်းအဝေးစရိတ်နှင့် ထောက်ပံ့စရိတ်ငွေကျပ် (၆၃.၁၂) သိန်း၊ အသင်းသား များ၏ စုဆောင်းငွေပေါ်အတိုးငွေကျပ် (၃၄၀) သိန်းတို့ကို အသင်းသား (၅၂၆)ဦးတို့အား ပေးအပ်နိုင်ခဲ့ကြောင်း မြို့နယ်သမဝါယမအသင်းလီမိတက် တာဝန်ခံထံမှ သိရသည်။
ဆုမွန်
Related News and Articles
အရေးပေါ်အခြေအနေမျိုးတွင် ဤနံပါတ်များနှင့် အီးမေးလ်ကို ခေါ်ဆိုပါ။