31 Jul,2023

ချောင်းဆုံ၊ ဇူလိုင် ၂၈ 

          မွန်ပြည်နယ် ချောင်းဆုံမြို့နယ်သမဝါယမဦးစီးဌာနမှ ပြည်သူများ မွေးမြူရေးနှင့်အထွေထွေ စီးပွားရေးလုပ်ငန်းများ အဆင်ပြေစွာဆောင်ရွက်နိုင်ရန်အတွက် နိုင်ငံ့စီးပွားမြှင့်တင်ရေးရန်ပုံငွေမှ ငွေကျပ်သိန်း ၁၅၀ မတည်ထောက်ပံ့ငွေပေးအပ်ခြင်းအခမ်းအနားကို  မြို့နယ်သမဝါယမဦးစီးဌာန ရုံး အစည်းအဝေးခန်းမတွင် ကျင်းပခဲ့သည်။

          အခမ်းအနားတွင် မွန်ပြည်နယ်သမဝါယမဦးစီးဌာန ပြည်နယ်မှူး ဒေါ်ခင်မာအေးက အဖွင့် အမှာစကားပြောကြားပြီး ကရင်ဝင်းစိန်ကျေးရွာ မွေးမြူရေးနှင့်အထွေထွေစီးပွားရေးလုပ်ငန်း သမဝါယမ အသင်းလီမိတက်မှ အသင်းသား/သူ ၂၀ ဦးအား တစ်ဦးလျှင် ငွေကျပ် ၇ သိန်း ၅ သောင်းနှုန်းဖြင့် စုစုပေါင်းထောက်ပံ့ငွေကျပ်သိန်း(၁၅၀)ကို တာဝန်ရှိသူများမှ အသီးသီးပေးအပ်ခဲ့ကြသည်။ အဆိုပါ နိုင်ငံ့စီးပွားမြှင့်တင်ရေးရန်ပုံငွေမှ မတည်ထောက်ပံ့ငွေများကို မြို့နယ်အတွင်းရှိ သမဝါယမအသင်း လီမိတက် ၆ သင်းကို ထောက်ပံ့ပေးအပ်နိုင်ခဲ့ပြီးဖြစ်ကြောင်း မတည်ထောက်ပံ့ငွေများကို အတိုးနှုန်း ပြား ၅၀ နှုန်းဖြင့် တစ်နှစ်ပြည့်မှသာ ပြန်လည်ပေးဆပ်ရမည်ဖြစ်ကြောင်း သိရသည်။