25 Jul,2023

မကွေး  ဇူလိုင်လ ၂၅ ရက်

          မကွေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာနအနေဖြင့် အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးဆောင်ရွက်မည့် စီမံကိန်းလုပ်ငန်း(၇)ခု အနက်မှ အသေးစား၊အငယ်စားစီးပွားရေးလုပ်ငန်းများပေါ်ထွန်းလာစေရေးဆောင်ရွက်မည့်လုပ်ငန်း အကောင်အထည်ဖော်မည့် မကွေးမြို့နယ်၊‌ ညောင်ပင်သာကျေးရွာတွင် ဒုတိယအကြိမ်မွမ်းမံ တန်ဖိုးမြှင့်စားသောက်ကုန်နည်းပညာ(Bakery)သင်ကြားပေးရန်အတွက် သင်တန်းဖွင့်ပွဲအခမ်းအနားကို ၂၅-၇-၂၀၂၃ ရက်နေ့ နံနက် (၁၀:၀၀)နာရီ အချိန်တွင် ကျင်းပပြုလုပ်ခဲ့ရာ မ‌ကွေးတိုင်းဒေသကြီးအသေးစားစက်မှုလက်မှုလုပ်ငန်းဦးစီးဌာန၊ ညွှန်ကြားရေးမှူးမှ သင်တန်းဖွင့်လှစ်ရသည့် ရည်ရွယ်ချက်များပြောကြားခဲ့ပြီး  မကွေးမြို့နယ်၊ ညောင်ပင်သာကျေးရွာ အုပ်ချုပ်ရေးမှူးမှ  သင်တန်းအဖွင့်အမှာစကားများပြောကြားခဲ့ပါသည်။

အဆိုပါကျေးရွာ၌ ပထမအကြိမ်တန်ဖိုးမြှင့်စားသောက်ကုန်နည်းပညာ(Bakery)အား ၂၃-၆-၂၀၂၃ ရက်နေ့မှ ၂၉-၆-၂၀၂၃ ရက်နေ့ထိ သင်ကြားပေးခဲ့ပြီး လုပ်ငန်းထူထောင်မည့်သူများအနေဖြင့် ကျွမ်းကျင်စွာ တတ်မြောက်နိုင်ရေးအတွက် ဒုတိယအကြိမ်မွမ်းမံ တန်ဖိုးမြှင့်စားသောက်ကုန်နည်းပညာ (Bakery)အား ထပ်မံသင်ကြားပေးခြင်းဖြစ်ပါသည်။

ထို့နောက် သင်တန်းသားများအနက် အမှန်တကယ်လုပ်ငန်းထူထောင်မည့် ထူးချွန်သင်တန်းသား(၅)ဦးအား သတ်မှတ်ချက်နှင့် အညီရွေးချယ်ပြီး တစ်ဦးလျှင်ငွေကျပ်(၁၀)သိန်းနှင့်ညီမျှသော စက်ပစ္စည်းများ ထောက်ပံ့ပေးသွားမည်ဖြစ်ကြောင်း သတင်းရရှိပါသည်။