26 Jul,2023

မုဒုံ၊   ဇူလိုင်   ၂၃

မွန်ပြည်နယ် မုဒုံမြို့နယ်တွင် ၂၀၂၂-၂၀၂၃ ဘဏ္ဍာနှစ် မြတ်ပညာငွေစုငွေချေးသမဝါယမ အသင်း(အခြေခံ) အရပ်ရပ်ဆိုင်ရာနှစ်ပတ်လည်သင်းလုံးကျွတ် အစည်းအဝေးကို ဇူလိုင် ၂၃ ရက် နေ့ နံနက် ၁၀ နာရီက အသင်းရုံး၌ ပြုလုပ်သည်။ ရှေးဦးစွာ အသင်းဥက္ကဋ္ဌ ဦးသန်းတင်က အမှာ စကားပြောကြားပြီး မြို့နယ်သမဝါယမဦးစီးဌာနမှ ဦးစီးအရာရှိ ဦးညီညီထွန်းက အသင်း၏ လုပ်ငန်းဆောင်ရွက်ချက်များနှင့် ရေရှည်ဖွံ့ဖြိုးတိုးတက်စေရန် အသင်းသား/သူများအားလုံး စည်းလုံးညီညွတ်စွာ ပူးပေါင်းဆောင်ရွက်ကြရန် လမ်းညွှန်အမှာစကားပြောကြားခဲ့သည်။

ထို့နောက် အသင်းဒုဥက္ကဋ္ဌနှင့် မြို့နယ်သမဝါယမဦးစီးဌာနမှ ဦးစီးမှူးတို့က အမှုဆောင် အဖွဲ့၏ အစီရင်ခံစာနှင့် ရှေ့လုပ်ငန်းစဉ်များကို ဖတ်ကြားပေးခဲ့ပြီး တက်ရောက်လာကြသည့် အသင်းသားအုပ်စုခေါင်းဆောင်တို့မှ သဘောတူအတည်ပြုဆုံးဖြတ်ချက်များ ရယူခဲ့သည်။ ဆက်လက်၍  မြတ်ပညာငွေစုငွေချေးသမဝါယမအသင်းသား ၂,၂၃၄ ဦး၏ စုဆောင်းငွေ အပေါ်အတိုးကျပ် (၃၃၉,၃၉၆,၄၉၁)ကို အသင်းသားများကိုယ်စား အုပ်စုမှူးထံ ထုတ်ပေးခဲ့ပြီး လက်ဆောင်ပစ္စည်းများ ပေးအပ်ခဲ့ကြောင်း သိရသည်။