24 Jul,2023

ဝါးခယ်မ ဇူလိုင် ၂၁

                 ဧရာဝတီတိုင်းဒေသကြီး ဝါးခယ်မမြို့နယ်၌ ကျုံမငေး-အောက်ပေကုန်း တံတားချဉ်းကပ်လမ်း ရေတိုက်စား မှုကြောင့် မြေပြိုကျမှုများဖြစ်ပွားရာ ဇူလိုင် ၂၀ ရက်က တာဝန်ရှိသူများ ကြည့်ရှုစစ်ဆေးသည်။

           အဆိုပါ ကျုံမငေး-အောက်ပေကုန်း တံတားချဉ်းကပ်လမ်း ရေတိုက်စားမှုကြောင့် မြေပြိုကျမှုများ ဖြစ်ပွား သည့် နေရာသို့ မြို့နယ်စီမံအုပ်ချုပ်ရေးအဖွဲ့ဝင်များ၏ ညွှန်ကြားမှုဖြင့် ကျုံမငေးမြို့ အုပ်ချုပ်ရေးမှူး ဦးဇော်မိုးနောင်နှင့် ကျေးလက်လမ်းဦးစီးဌာန မြို့နယ်တာဝန်ခံ ဒေါ်အေးအေးခိုင်နှင့်အဖွဲ့တို့က စစ်ဆေးရာ အလျားပေ ၁၀၀၊ အနံ ၁၀ ပေခန့်ရှိ ဘေးမြေသားပြိုကျခဲ့ကြောင်း သိရသည်။

ဟိန်းထက်လင်း(ပြန်/ဆက်)